“Би бүдүүн байгаа биз?” гэсэн асуултыг хайртай залуудаа үргэлж тавьдаг уу? Тийм бол та зөв юм хийж байна. Алийн болгон түүнийгээ нууж явах вэ дээ. Анхнаасаа л шууд өөрийн биеийн дутагдалтай хэсгийг шуудхан хэлээд, мэдрүүлчихэж байвал зүгээр. Тэр болгонд хайртай залуу чинь “Чи юу ярина вэ, надад тэгж харагддаггүй шүү дээ” хэмээн хариулах болно. Дараагаар нь харвинтай хэсэгтээ түүний анхаарлыг хандуулаарай. Энэ мэтчилэн танд таалагддаггүй бүхнээ түүнд хэлэх бүрт жаахан ч гэсэн авууштай согог байж л таарна.
Эр хүнд өөрийгөө сул дорой, өөрөөс нь хараат хэмээн итгүүлж байгаарай. Танд өөрийн гэсэн ямар ч сонирхол байхгүй бөгөөд хайртай залуугийнхаа хэлснээр л бүхнийг хийдэг байж болно. Гэхдээ хааяа боловч бага зэргийн эрүүл заль гаргаж гомдож, хардаж, хүлээж байгаарай. Бэлэг, хурим гээд бүхий л зүйлд “тийм ээ, би ч гэсэн чамд хайртай” хэмээн хүлээн зөвшөөрч байх.
Сүрчиг, үнэртэй ус, хацрын энгэсэг гээд бүхий л зүйлээс хааяа ч болов татгалзаж байх хэрэгтэй. Болж өгвөл натурал зүйлийг эрэлхийлж байх нь зүйтэй. Тухайлбал, бүсэлхий хүртлээ урт үс, биеийн жинхэнэ үнэр, ямар ч энгэсэг хүргээгүй нүүр, зугаалах газар тань нөгөө л байдаг кино үзвэр, кафе, ваар цэнгээний газрыг бус харин онгон байгалийн сайхныг сонгох гэх мэт.
Хэрэв та өөрийн биеийн дутагдалтай хэсэгтээ санаа зовж сэтгэлээр унаж явдаг бол одоо харин үүнтэйгээ тэмцэх цаг нь болсон. Мэдээж хэрэг өндөг шиг өөгүй өв тэгш бие хаатай байхыг хүсэлгүй л яах вэ. Гэхдээ өөрийгөө, “хэзээ ч засал авахгүй, хэний ч нүдэнд сайхан харагддаггүй” хэмээн бодох тусам та өөрийгөө үнэлэх үнэлэмжээ алдаж, эцэстээ хэн ч биш болж хувирна. Биеийнхээ дутагдалтай хэсгийг нуухад бас арга бий. Тухайлбал, асуудалтай хэсгийг тань нууж чадах загварын хувцсыг сонгох, гоо сайхны салонд хандах.
