Илүүдэл жингээ хаяж чадахгүй байгаа хүмүүстэй хааяа ярилцахад жингээ хасаж чадахгүй байгаа гол шалтгаан нь тэд оройн цагаар хэт их иддэг гэж надад хэлдэг. Тэд “Би идчихээд, зүгээр амарч суудаг, өөх хайлуулах ямар ч хөдөлгөөн хийдэггүй – энэ л миний асуудал даа” гэдэг. Хэдийгээр зөн совингоороо аваад үзэхэд энэ зөв санагдаж байгаа мэт боловч, яг ийм байдаггүй. Хоногийн аль ч цагт нэг дор хэт их калори авах нь жин нэмэх шалтгаан болдог.
Хүний бие калорийг бичил хэмжээнд тийм ч анхааралтайгаар зохицуулдаггүй. Учир нь бид хоол хүнсний хомсдолтой нөхцөл байдалд хувьсаж өөрчлөгдсөөр ирсэн. Амьд үлдэхийн тулд хэрэв хэт их идсэн бол, энэ нь хэзээ ч байсан гэсэн илүүдэл калорио хадгалж, дараа нь бидэнд шаардагдсан үед түүнийгээ хэрэглэх чадвартай байх ёстой байлаа. Бидний өвөг дээдэс өдрийн турш хоол хүнсээ эрж хайдаг байсан бөгөөд үүрээр эсвэл галаа тойрон орой идсэн ч гэлээ авч болох бүх л калорио хадгалж авах (эсвэл ашиглах) ёстой байсан юм.
Өнөөдөр ч гэсэн бидний хувьд энэ байдал хэвээрээ. Та тэрхүү илүүдэл калорио нар жаргахаас өмнө эсвэл дараа авч байгаа юу гэдэг нь нэг их чухал биш. Аль ч тохиолдолд таны өөхний эсүүд дараа нь ашиглаасай гээд тэдгээрийг дуртайяа хадгалдаг.
Хүмүүс орой тийм их идэхээ болиход (эсвэл “орой 7 цагаас хойш юм идэхгүй” гэх мэт дүрмийг өөрийн дураар зохион мөрдөхөд) жин хасаж эхлэж байгаагаа ажигладаг учир ингэж боддог байх. Гэвч хоногийн аль цагт идэхгүй байгаа гэдэг чухал биш юм. Хэрэв та ердийн үед 7 цагаас хойш авдаг калорио өдрийн 3 цагт авсан ч гэлээ калорио өмнөхөөсөө хурдан шатааж чадахгүй.
Хэт их иддэг маш олон хүн голцуу идэхийнхээ ихэнхи хэсгийг өдрийн сүүлээр буюу нилээн орой болсон үед хийдэг. Тэгээд тэд 7 цагт идэхээ болиход ердийн үед идэхээр байсан өчнөөн зуун калорийг авахгүй байна гэсэн үг. Тэд тодорхой цагаас хойш идэхээ больсны учир жингээ хаяж байгаа биш харин ерөөсөө л тэр зүйлийг идэхгүй байгаа болохоор жингээ хаяж байгаа юм.
Хүмүүс оройн цагаар хэт их иддэг гол шалтгаануудын нэг нь яг үнэндээ тэд өдрийн турш хангалттай түлш авч чадаагүйд оршдог. Ихэнх хүмүүс өдрийн турш маш бага хоолоор болгодог бөгөөд орой гэртээ харих үед өлсөж үхэх гэж байдаг. Тэгээд та “өдрийг турш бараг юу ч идээгүй шүү дээ” гэж өөртөө хэлэх нь орой идэж байгаагаа зөвтгөхөд хялбар болгодог.
Өглөөний хоолыг хаан шиг, өдрийн хоолыг ханхүү шиг, оройн хоолыг гуйлгачин шиг ид’ гэсэн эртний зүйр цэцэн үг байдаг. Энэ одоо ч гэсэн маш үнэтэй зөвлөгөө бөгөөд би хүмүүст ихэнхдээ “оройн цагаар хоолны дэглэм барихыг” зөвлөдөг. Өдрийг эрүүл, уургийн өндөр агууламжтай (уургийн шэйк, уураг ихээр агуулсан овъёосыг сүү, жимстэй холих, жимстэй тараг, өндөгтэй ногоо хуурах зэрэг), ногоотой, өглөөний хоол идэж эхлүүлж байгаарай. Дараа өдөр бараг л хоол шиг томоохон хэмжээний зуушыг үдээс хойш 3,4 цагийн үед идээрэй. Ингэвэл та орой хоолны цагаар хэт их өлсөхгүй бөгөөд уураг жаахан агуулсан багахан хэмжээний салад эсвэл нэг аяга шөл зэрэг маш хөнгөн чанарын зүйл идэхэд л болно.
