Тэрээр 1969 оны 3 сарын 17-нд Скотландын таксины жолооч Роналд, нийгмийн ухааны хичээлийн багш Жойсийн 6 дахь буюу отгон хүү болон мэндэлжээ. Тэр дунд сургуульд байхдаа 3 эгч нартаа даашинз оёж эхэлсэн бөгөөд тэр үеэс л загвар зохион бүтээгч болох хүсэлтэй болохоо мэдсэн. Mcqeen сургуулиа 16 настайдаа Art хичээл дээр O дүнтэй хаяж, Savile Row хэмээх Английн тансаг зэрэглэлийн эрэгтэй костюм захиалгын дэлгүүрт дадлагажигч оёдолчноор ажиллаж байжээ. Тухайн үед түүний үйлчлүүлэгчдийн тоонд Оросын ерөнхийлөгч асан Михаил Горбочев, Английн хунтайж Виллиам ордог билээ. Тэрээр идэвхитэйгээр үргэлжлүүлэн Angels and Bermans-д ажиллаж эхэлсэн бөгөөд тэнд театрын хувцасны зохион бүтээгч мөн Koji Tatsuno, Romeo Gigli гэх мэт чадварлаг дизайнеруудад ажиллаж байгаад 1994 онд Central Saint Martins College of Art and Design-д багшилж байхдаа давхар суралцаж загвар зохион бүтээгчийн мэргэжлээр Мастерын зэрэг хамгаалжээ.
Түүний анхны загварын коллекц загвар зохион бүтээгч Isabella Blow- ийн загваруудаар амсгалсан байлаа. Тэрээр сүүлд нь түүнийг өөрийн career-ийг эхлэхэд нь Alexander хэмээх дунд нэрээ ашиглахыг санал болгосон хүн юм. 1996 онд Givenchy фирмд ахлах дизайнераар ажиллаж байхдаа өөрийн брэндийг үүсгэж өрх тусгаарласан.
McQueen эхэн үеийн catwalk шоундаа хүмүүсийг шоконд оруулмаар нэр (“l’enfant terrible”(Английн хулгианууд), “Highland Rape” (Хурдны зам дээрх хүчин) гэх мэт) ашигладагаараа нэрд гарсан байжээ. Сэтгүүлчид түүний сэтгэлийн дотоод хүч, мэдрэмжийг агуулсан шоуны тайзыг харгис театрын үзүүлбэр болгон хувиргадаг гэж бичжээ. Тэрээр мөн техник технилогийн дэвшилийг нэвтрүүлж, тайзыг бараг л уран сайхны киноны дэлгэц болгон хувиргадаг. Түүний 2004 оны “bumsters” (Бөгснүүд) шоуны шинэ загвар болох одоогийн богино суудалтай жинсний загварыг танилцуулж байжээ. Мөн гавлын ясыг загвартаа ашиглаж эхэлсэн дорхноо тархаж, хуулбарлагдаж өнөөг хүртэл бид гавлын ясны зурагтай хүзүүны ороолт, даашинз зэргийг өмссөөр байна. Тэр Энэтхэгийн загварыг Лондонд ашигласан анхны загвар зохион бүтээгч болжээ. Түүний зохион бүтээсэн “Manta” даашинз £2800-оор зарагдаж, бидний мэдэх маш олон одод өмссөн байна.
Ердөө 10хан жилийн дотор тэр дэлхийн хамгийн чадварлаг загвар зохион бүтээгч болж, түүний нэрийг мэдэхгүй хүн байхгүй болжээ. 2007 оны эцсээр Alexander McQueen өөрийн компанийг байгуулж London, New York, Los Angeles, Milan, Las Vegas-т салбар дэлгүүрүүдээ байгуулжээ. Түүний зохиосон хувцасыг Gisele Bundchen (зурагт харуулснаар), Nicole Kidman, Penélope Cruz, Sarah Jessica Parker, Rihanna гэх мэт одод өмсөж ёслолын ажиллагаанд гоёцгоодог.
Тэр 2010 оны 2 сарын 10-ны өдөр буюу эхийнхээ нас барснаас 7 хоногийн дараа өөрийн гэртээ амиа хорлож нас барсан бөгөөд түүний үүсгэн байгуулсан Alexander Mcqeen бренд нь үүсгэн байгуулагчгүйгээр үйл ажиллагаа нь үргэлжлүүлэн явуулах болно гэж Gucci фирмийн ерөнхийлөгч Robert Polet зарлажээ.Түүний загварын ертөнцөд оруулсан хувь нэмрийг нь үнэлэж 1996,1997, 2001, 2003 онуудад Английн шилдэг дизайнер, 2003 онд CFDA’s (Америкийн загвар зохион бүтээгчдийн зөвлөл) олон улсын шилдэг дизайнерээр өргөмжилжээ.