Сүүлийн үед охид бүсгүйчүүд хиймэл сормуус суулгах, линз зүүх болсон эрүүл мэндийн хувьд тийм ч таатай зүйл биш гэдэгт уншигч та санал нэг байгаа гэж бодож байна. Энэ нь хэдийгээр тухайн үед гоё сайхан харагдаж болох ч эрүүл мэнддээ хор нөлөөтэй зүйл болж байгаа гэдгийг тэр бүр мэдэхгүй байх талтай. Иймд линз болон хиймэл сормуусны хор уршгийг танилцуулж байна.
Нүдний линз
• Нүдний бохирдол линзэнд наалдсанаар линзийг дахин зүүхэд нүдний улайлт үүсдэг байна.
• Линзийг заасан хугацаанаас хэтрүүлэн зүүвэл нүдний торлог бүрхэвчинд хүчилтөрөгч дутагдаж, нүд бүрэлзэж хавдах шинж тэмдэг илэрч торлог бүрхэвч гэмтэж, зурагдаж болох талтай.
• Зовхины үрэвсэлтэй болох магадлалтай. Энэ нь зовхины дотор доод хэсэгт үрэвссэн жижиг жижиг гүвдрүүнүүд үүсэхийг хэлнэ. Үрэвссэн зовхитой нүдэнд линз зүүхэд өвддөг.
• Нүдний хуурайшил бол контакт линз зүүдэг бүсгүйчүүдэд түгээмэл тохиолддог. Эмгэг нь нүдэнд хангалттай нулимс байхгүй болсноос хуурайшиж, ямар нэг юм торсон мэт мэдрэмж төрөх, халуу оргих, улайх шинж тэмдгүүд илэрдэг байна.
• Зарим хүн линзний харшилтай байдаг. Линзийг зүүмэгц нүд огцом улайж байвал харшилтай байгаагийн шинж юм.
• Линзээ зүүхээсээ өмнө үргэлж гараа угааж занш. Мөн линзнээсээ хамаараад, тасралтгүй зүүж болох хугацаанаас хэтрүүлж болохгүй. Линзнийхээ савыг гурваас зургаан cap тутамд нэг удаа сольж байгаарай.
Сормуус суулгах:
• Суулгасан хиймэл сормуус унахдаа терелх сормуусыг шингэрүүлдэг байна.
• Сормуус суулгахаас нэг долоо хоно-гийн өмнө болон, суулгаснаас хойшхи хоёр долоо хоногийн хугацаанд аспирин болон ямар нэг цус шингэлдэг эм ууж болохгүй.
• Суулгаснаас хойш хэд хоног загатнаж болно.
• Суулгасан сормуус бохирдсон тохиолдолд нүдэнд муугаар нөлөөлдөг.
• Зовхи хэлбэрээ алдаж, гадагшаа эсвэл дотогшоо эргэснээр сормуусыг нүдний алим руу оруулдаг.
• Сормуус суулгасан үедээ нүдээ байнга нухвал суулгасан үсний байр солигдож, эмх замбараагүй болж болох талтай.
Сорви арилгах натураль аргууд
• Нимбэгний шүүсийг хөвөнд шингээж байгаад өдөрт хоёр удаа сорви тогтсон хэсгээ арч.
• Наргил модны самрын тос бол арьс анагаагч шилдэг бүтээгдэхүүнүүдийн нэг юм. Жинхэнэ байгалийн гаралтай ийм тос Монголд бараг байхгүй. Тиймээс найрлагандаа кокс агуулсан тосыг тогтмол хэрэглэвэл сорви бүдгэрнэ.
• Зегийн балыг эртнээс нааш түлэнхийн сорви, янз бүрийн шархыг анагаах зориулалтаар хэрэглэсээр ирсэн. Шархыг цэвэрлэсний дараа цэвэр зөгийн балыг жигдхэн түрхэж боолт хийвэл сорви үүсэхээс сэргийлдэг. Мөн нэгэнт үүссэн сорвийг бүдгэрүүлэхийн тулд арьсандаа түрхэж хэрэглэж болдог байна.
• Өргөст хэмхийн шүүсийг шахаж гаргаад, түүнийгээ арьсандаа түрхлэг болгон хэрэглэвэл арьсанд тэжээл өгөөд зогсохгүй, нөсөөг багасгаж, толбо сорвийг бүдгэрүүлдэг.
• Зуун наст нь мөн л арьс арчилгаанд хамгийн тустай бүтээгдэхүүний нэг юм. Цэвэр зуун настыг хандаж өдөрт тогтмол хоёр удаа арьсандаа жин тавьж хэрэглэвэл хэдхэн өдрийн дараа үр дүн мэдэгдэх болно.
• Сорви арилгахад түүхий сармис сайн нөлөө үзүүлдэг. Мөн арьсны тонусыг сэргээж өгдөгөөрөө ач холбогдолтой юм. Сармисыг сорви тогтсон хэсэгтээ маш хурдан үрж хэрэглэвэл үр дүн хурдан мэдэгдэнэ.
Бүсгүйчүүдээ зуны турш хумсаа юугаар хэрхэн будах вэ?
Энэ зуны хумсны будалтанд жимсний исгэлэн, тод, өтгөн шинэ өнгөнүүд энэ зун моодонд ороод байна. Жишээлбэл:
Шинэхэн ногоон
Фисташкийн мод, далайн хөөс, гааны ногоон өнгөнүүд хичнээн нүд сэргэмээр билээ. Яг одоо тренд болоод байгаа зөөлөн, цайвар мөртлөө өтгөвтөр ногоон өнгийн хумсны лак чиний сэтгэл санааны байдлыг ч гэсэн өргөж, бусад хувцас чинь ямар ч өнгөтэй байсан өөдрөг, “шинэхэн” харагдуулах болно.
“Шүрэн толио”
Улаан ягаан хоёрын завсрын, тод юм шиг хирнээ “намбатай” шүрэн өнгө нь чиний гарыг гэрэлтүүлэх болно. Уруулаа ч бас энэ өнгөөр будчихвал дур булаам байдал чинь хоёр дахин нэмэгдлээ л гэсэн үг.
“Зөөлөн ягаан”
Цайвар ягаанаас арай илүү өтгөн, эдгээр далайн хясааных шиг “ягаан бейж” өнгөнүүд нь энхрий ялдам “үнэр”, минималист шинж хоёрыг хослуулсанаараа онцлогтой. Цэмцгэр, дэгжин хумсны төлөө энэ өнгийг сонго.
