Заримдаа эрчүүд бидэнд яг л харь гаригаас ирсэн хүмүүсийн хэлээр яриад байгаа юм шиг санагдах нь бий. Арга ч үгүй юм уу? Тэд чинь Марсных, бид Сугарынх шүү дээ.
Дөнгөж танилцсан сайхан залуутайгаа халуун яриа өрнүүлэх гэтэл тэр гэнэтхэн чиний мэдэхгүй хөлбөмбөгийн багийн тухай, эсвэл сүүлийн үед өндөр борлуулалттай яваа машины тухай яриад эхэлвэл, чимээгүй инээмсэглээд суухаас өөр аргагүй болдог. Яг үүнтэй адилаар биднийг Холливудын одын тухай, эсвэл шинэ авсан гуталныхаа тухай ярьж эхлэхэд тэд ч бас “гадаад үг” сонсчихсон юм шиг царайлдаг биш гэж үү?
Эрчүүд, эмэгтэйчүүдийн хоёулангийнх нь ойлгодог нэг л хэл бий. Энэ бол хайрын хэл. Гэвч хэрвээ та хоёрын харилцаа “хайр” болох түвшинд очоогүй байвал, болзооны үеэр хэн хэн нь дуугаа хураах аюулаас сэргийлэх вэ? Чамд хөлбөмбөг, сагсан бөмбөг, технологийн талаар ярих дуртай эрчүүдтэй өөрсдийнх нь хэлээр харьцахад туслах “шпи”-ний хуудсыг бэлтгэлээ.
The Cheatsheet:
-Дараагийн том тоглолт …-нд болох юм байна лээ шд тэ? Хоёулаа бооцоо тавих уу? (Өрсөлдөөн заримдаа харилцааг улам халуухан болгодог шүү. Өмнө нь телевизийн хөтөлбөр харахаа мартав аа.)
-Хөлбөмбөг гэснээс Дэвид Бэкхэм Фрэнк Синатрад/ “Тэмдэглэлийн дэвтэр” кинонд нугасгүй байсан гэсэн ш дээ. Чи үзэж/сонсож байсан уу? (Ингээд л яриагаа өөрийнхөө мэддэг сэдэв лүү оруулчихаж болно.)
-Хөлбөмбөгт дуртай эрчүүд их тууштай, дайчин байдаг гэж би боддог шүү. (Магтаалын үг бол флиртийн сонгодог зэвсэг л гэсэн үг.)
-Дэлхийн хамгийн олон гоолыг хэн хийснийг мэдэх үү? Таах гээд үз дээ. (Хариулт нь Барсагийн Цезарь Родригез нэртэй тоглогч юм. Нийт 253 гоолтой гэнэ. Үүнийг “Монголын саятан” юм уу, “АХА”-гаар таалгаж байсан юм гэж хэлээд инээмсэглэхээ мартав аа. )
-Чи Wade-д дуртай юм уу? Wade чинь биен дээрээ шивээсгүй ганц тоглогч нь гэж сонсч байсан юм байна. Бас 10 жилдээ үерхдэг байсан охинтойгоо гэрлэсэн гэсэн. (Өөрийнхөө дуртай тоглогчийн талаар нэмэлт мэдээлэл авахыг хэн хүсэхгүй байх билээ?)
-Сүүлийн үед Jeremy Lin гэдэг шинэ Ази тоглогч алдартай болоод байгаа гэсэн тийм ээ? Тийм ч өндөр биш хирнээ “бужигнуулж” байгаа гэж дуулсан.
-Яриаг чинь сонсоод чамайг өөрийг чинь сагсан бөмбөг тоглож байгааг хармаар санагдчихлаа. Хоёулаа дараа цуг заал авах уу? Хэн нь дийлэхээ үзье. (Чи өөрөө тийм ч сайн тоглож чаддаггүй бол “Дараа заал авахад чинь очиж дэмжинэ шүү” гэж хэлсэн ч болно)
-Кобе эхнэрээ араар нь тавьж байгаад баригдсан гэж шуугиад байсан. Одоо яасан юм бол? (Сагсан бөмбөг, хов жив хоёрыг хольж болж байгаа биз?)
-Манайд баригдаж байгаа Шангри Ла дотор iMax кино театр баригдана гэсэн. Хурдан дуусаасай. (Энэ ярианаас үүдээд та хоёр кино үзэх болж ч магадгүй.)
-Тийм юм хүртэл бүтээгдэх гэж байгаа юм уу? Ямар сонирхолтой юм бэ? Нээрээ Нокиогоос удахгүй гаргах гэж байгаа Нанотехнологиор хийгдсэн утасны тухай сонссон уу? (Техник технологи талдаа сонирхолтой залуугийн яриаг ингэж өөрчилж болно. Энэ утасны сурталчилгааг Youtube дээрээс “nokia morph” гэж хайгаад үзээрэй.)
Эдгээр үгсийг чи зөвхөн болзооны үеэр түүний яриаг дэмжих маягаар ганц хоёрыг нь л ашиглах ёстой болохоос биш, бүгдийг нь нэг дор хэлвэл чамайг эрэгтэйлэг гээд ойлгочихно шүү. Дээрх мэдээллүүдийн зарим нь цаг үеийн шинжтэй гэдгийг ч бас бүү мартаарай. Мөн зарим тохиолдолд түүний яриаг ойлгохгүй байгаа гэдгээ ил тод, гэнэн цайлган маягаар харуулах нь ч харилцааг чинь бэхжүүлэх нэг арга болж болох юм.
Гоолингоо
