Гэрийн зайрмаг худалдааны зайрмагнаас илүү амттай байдаг. Та үнэн гэж үү хэмээн бодож буй бол эргэлзэх хэрэггүй. Үүнийг бэлтгэхэд нэг их зүйл шаардагдахгүй.
Орц:
Гадил жимс 3 ширхэг, шоколад 100 грамм, элсэн чихэр 50 грамм, цөцгий 250 грамм, тал нимбэг.
Бэлтгэх:
Гадил жимсээ цэвэрлээд жижиг хэмжээтэй хэрчинэ. Дараа нь элсэн чихэртэй нимбэгний шүүстэй нийлүүлж нухаш болтол нь хутгана. Хутгагч миксер байвал зүгээр. Бий болсон холимогт хутгасан цөцгийгөө хийгээд крем маягийн паст болтол нь хутгана. Үүний дараа бэлтгэсэн том хундаганд хийгээд гурваас дөрвөн цаг хөргөгчинд тавина. Хөлдсөний дараа усны ууранд хайлуулсан шоколадаар чимэглээд л нэр өгөөд л боллоо.
