СХД-ийн 8-р хорооны Зүүнбаян-Уул гудамжинд 10 жил хараар амьдарсан, БНХАУ-ын иргэн Пү Вэн Ю гэгч илэрч, албадан гаргагдав. Үнэндээ ч эцэг өвгөдийнхөө нутагт ясаа тавих гэж сайн дураараа явжээ.
Сычаунь гэх ядуусын мужийн ядуу тариачин эр 2003 онд 56 настайдаа УБ-т ирээд л шингэчихсэн аж. Хятад ажилчдын хоол хийдэг, Монгол улсын иргэн эмэгтэйн залуухан охин Ө-тэй холбоотой болж, 2004 онд гэрт нь очоод суучихжээ. 2008 онд хүүтэй болжээ.
Монгол бүсгүй гэрлэлтээ бүртгүүлье гэхэд бичиг баримтгүй гээд бүртгүүлдэггүй байж. Нас хэвийхүйд Пү овогт түүнийг тоосон ч үгүй хаяж явжээ.
Барилгачин хужаа нарт монгол хүүхэнтэй болох шиг амархан юм байдаггүй аж. 200-250 мянган төгрөгөөр л олж авдаг байна. 100 мянгаар гар утас, 50 мянгаар цамц авч өгч, үлдсэн мөнгөөр дайлахад л өврөө нээдэг гэнэ.
Танилцсаны маргааш манай хүүхнүүд хайр аа хайр аа гээд салахаа больдог, нутаг буцахад нь дагаж явна гэж уйлсаар хоцордог аж. Монгол хүний яс чанар гэж ийм л болж дээ.
10 жил бичиг баримтгүй, амар жимэр аж төрсөн Пү өвгөн мэтийг илрүүлж, гаргаж чаддаггүй хэрнээ, ИХШХЕГ маань нэг ч өвөр монгол хүнийг үлдээхгүй гаргах санаатай хийрхэж, 200 гаруй мянган гадаадад ажиллаж амьдардаг монголчууддаа хүнд суртал гаргана гээд байж байна.
Удалгүй казакуудын их хэлмэгдүүлэлт болох шинжтэй. Давхар харьяалалтай 100 орчим мянган монгол казак хүн байдаг. Тэднийг хайр найргүй албадан гаргах, иргэнээс хасах том компанит ажил өрнөнө гэнэ шүү.
ИХШХЕГ бол манай нэг төрлийн өндөрлөгийн хувийн байгууллага гэхэд болно. Тэр төрийн өндөрлөг маань л үйл ажиллагааг нь шууд удирддаг. Баян-Өлгийд монголчуудын эрх ашиг зөрчигдөж байна гэж гомдол мэдүүлдэг хүмүүсийг төрийн өндөрлөг уриалгахнаар хүлээн авч уулзжээ.
Г.Солонго
agshin.mn
