Монгол Улсын тэргүүн хатагтай н.Болормаа танд

527-14101602329a94f603469cdca5big1ТЕГ-ын сөрөх тагнуулын газрын дарга асан Хурандаа Д. Цогтбаатарын эхнэрээс

2014.09.05

Эрхэм хүндэт тэргүүн хатагтай таны энэ өдрийн амар амгаланг айлтгая.

Хаашаа хэнд хандахаа мэдэхгүй болсон Монгол улсын иргэн, жирийн нэгэн эмэгтэй хүний хувьд таныг намайг ойлгож, нинжин сэтгэл, хатан ухаанаар хандаж туслах болов уу гэсэн горьдлого тээн энэхүү захидлыг бичиж байна.

Нөхрийг минь 2013 оны 2-р сараас эхлэн хэвлэл мэдээллээр удаа дараа гэмт хэрэг үйлдсэн мэтээр гүтгэж байгаад, 2013 оны 6-р сарын 4-нөөс 7.30-ныг хүртэл 2 cap хорьж, 2014 оны 4-р сарын 4-ний өдөр дахин баривчлан өнөөг хүртэл хорьж байна.

Энэ хугацаанд АТГ -аас удаа дараа хэвлэлийн бага хурал хийж олон сая евро залилсан гэмт хэрэгтэн мэтээр нийгэмд мэдээлэл өгч байсан ба саяхан прокурор шалгаж үзээд уг хэргийг хэрэгсэхгүй болгосон.

Гэтэл нөхрийн минь цагдан хорих хугацааг дахин 6 дахь удаагаа сунгалаа. Хүнийг хэвлэл мэдээллээр хэн ч биш болгон зохиомол хэргээр гүтгэн доромжлоод, мөрдөж мөшгиж цагдан хорьж, сэтгэл санаа, эрүүл мэндээр хохироодог АТГ- ын явуулж буй энэ үйл ажиллагааг сэтгэл түгшин харсаар өдий хүрлээ.

Нөхрийг минь оргон зайлж дахин гэмт хэрэг үйлдэж болзошгүй гэдэг үндэслэлээр сунган хорьж, ямар нэгэн хэрэг тохож хэлмэгдүүлэх гээд байгаад сэтгэл түгшиж байна. Нөхөр маань ТЕГ-т 16 жил ажиллахдаа сөрөх тагнуулын газрын даргаар 2 удаа, томилогдон төрийн төлөө хоёргүй сэтгэлээр зүтгэж ирсэн жирийн нэг цэргийн албан хаагч.

Миний бие ерөнхийлөгчид 2 удаа ил захидал илгээсэн. Шат, шатны прокурорт 10 гаран удаа хандсан боловч анхаарлаа хандуулж, үнэн зөвөөр шалгаж өгөх хүн олдсонгүй. Хамгийн гол нь ямар нэг эрх бүхий албан тушаалтаны нөлөөнд авталгүй шалгаж өгөөсэй л гэж чин сэтгэлээсээ хүсэх юм.

Би нөхрийгөө шалгуулахгүй гэж зүтгээгүй, зөвхөн хорьж цагдалгүй шалгаж өгнө үү гэдэг хүсэлтийг удаа дараа тавьсан. / миний нөхөр нь хуулийн өндөр мэдлэг, боловсролтой, тодорхой оршин суух хаягтай, ТЕГ- т харьяалагддаг, гадаад паспорт нь одоог хүртэл энэ байгууллагад хадгалагдаж байгаа болно/. Үүний цаана бүхэл бүтэн айлын амьдрал байгаа гэдгийг танд хэлэх нь илүү биз дээ. Манай улсад яг тэртээх 37 оны хэлмэгдүүлэлт биетээрээ болоод байгааг л танд дуулгах гэсэн юм.

Ямар ч цаг үед эмэгтэй хуний хатан ухаан уужуу нинжин сэтгэл төрд түшиг болж байсан билээ. Таныг энэ болоод буй уйл явдалд сэтгэл гарган анхаарлаа хандуулна гэдэгт итгэж найдан хэвлэлээр дамжуулан танд хандаж байна.

Таныг хүндэтгэсэн: Ч.Мандахiphone 4 купить спбescort lady dubai


Монгол Улсын тэргүүн хатагтай н.Болормаа танд
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.