Орц: Гахайн ясгүй мах – 600гр
Амтат жүрж – 4ш
Сармис – 2 хумс
Солонгос цуу – 30мл
Ургамлын тос – 50мл
Тахианы шөл /дөрвөлжин хуурай/ – 250мл
Давс, Яншуй, Нэг хоолны халбага гурил
Бэлтгэх арга: Гахайн махыг томхон хэрчинэ. Жүржийг хальснаас нь цэвэрлэж шүүсийг нь шахаж авна. Жүржийн шүүс, солонгос цуу, ургамлын тосны талыг хольж сайтар хутгаад жижиглэн бяцалсан сармис нэмж маханд хийж 15 минут байлгана. Махаа ургамлын тосонд хоёр талыг нь тус бүр 3 минут шараад авч, дулаан газар тавина. Хайруулын тавганд үлдсэн махны шүүсэнд, шөлөө нэмж хутгаад жүржийн шүүс ,цуугаа нэмж буцалгасны дараа гурил хийн өтгөрүүлнэ. Гахайн махаа таваглаж сүмсээ хийгээд жүрж яншуйгаар хачирлаад чанасан гоймон нэмж ширээнд тавина. Энэ хоолыг хийхэд 30 минут хангалттай.