Топ моделиуд ганцхан хүүхэдтэй байдаг гэдэг бичигдээгүй хуулийг топ модель Д.Пүрэвсүрэн эвдэхээр шийдсэн. Түүнийг гурав дахь хүүхдээ тээж байгаа талаар хэвлэлээр хэсэгтээ л шуугисан. Харин топ модель бүсгүй өнөөх л өөрийн хэрэглэдэг таг чиг алга болдог арга барилдаа шилжсэн. Тэгвэл тэрээр саяхан нярайлж хүүтэй болжээ.
Түүний нөхөр “Занаду майнс” компанийн гүйцэтгэх захирал Б.Ганбаяр гэгч эр хоёр дахь амьдралаа зохиохдоо топ Пүүжээтэй ханилан өдгөө тэд охин, хүү хоёртой болоод байгаа билээ. Топ бүсгүй ч өөрийнхөө хүүхэд гаргаж, гэртээ сууж байгаа амьдралаа маш аз жаргалтай сайхан байгаа хэмээсэн байна. “Сакура” хороололд хэд хэдэн гэрийн асрагч, үйлчлэгчтэй бүсгүйд хүүхдүүдээ өсгөж гэртээ байх нь тийм ч түвэгтэй санагдахгүй байгаа гэдгээ нуусангүй.
Уг нь бол Японы загварын тайзан дээр Монголын нэрийг гаргахаар бэлдэж байсан ч яалт ч үгүй жирэмсэлсэн болохоор энэ ажил нь талаар болсон ч түүнд хүүхэд нь илүү байсан нь тодорхой. Ийнхүү топ модель Д.Пүрэвсүрэн энэ жил гурав дахь хүүхдээ өлгийдөн авч аз жаргалаар дүүрэн байна.
О.Сар
