Төрөлхийн жингийн илүүдэлтэй, бидний хэлж заншсанаар унаган мяраатай хүүхдүүд жингийн илүүдэлтэй болох магадлал өндөр байдаг.
Хүүхдийнхээ жинг хянаж байхын тулд тэдний биеийн жингийн индексийг ашиглаж сурах хэрэгтэй.
Хүүхдийн биеийн жингийн индексийг бодох арга:
1. Хүүхдийнхээ биеийн жинг хэмжих. Хүүхдээ өглөө өлөн байх үед нь давсгийг нь суллуулан баталгаатай жин ашиглан хэмжих
2. Хүүхдийнхээ биеийн өндрийг хэмжих. Хүүхдийн өсгийг нийлүүлэн , өгзөг нурууг хананд налуулан , хөл нүцгэн тэгш зогсооно. Толгой эгц байлгана. Хананд авсан хэмжээгээ метрээр хэмжиж тэмдэглэнэ.
3. Хүүхдийн биеийн өндрийг хоёр дахин үржүүлнэ. Жишээлбэл таны хүүхэд 140 см буюу 1,4х1,4 1,96 байна.
4. Дээрх хэмжээсийг биеийн жингийн индекс олох томьёонд орлуулан бодох
Биеийн жингийн индекс (БЖИ) = биеийн өндөр биеийн жин х биеийн жин
Жишээлбэл:
45 кг биеийн жинтэй, 1,4 м биеийн өндөртэй хүүхэд бол 45: (1,4х1,4) = 22,96 буюу энэ хүүхдийн БЖИ нь 22,96 байна.
Бага насны хүүхдийн таргалалт
Хүүхдийн өдөрт хэдэн цаг унтаж байгааг хянах
Хүүхдүүд унтах дургүй байдаг. Судлаачдын үзэж байгаагаар хүүхдийн өдөрт хэдэн цаг унтаж байгаагаас тэдний өсөлт бойжилт хамаардаг гэжээ. Жишээлбэл хоол идэх дур хүслийн дааврыг тэнцвэржүүлэх үйл явц хүүхдийн унтаж байх цагаар явагддаг байна.
Хүүхдийнхээ хөдөлгөөний идэвхийг хянах
4-5 настай хүүхдүүдийн 90хувь орчим нь олон цагаар зурагт үзэн, хөдөлгөөнгүйгээр суудаг. Хүүхдийн зурагт үзэх зохистой хэвийн хэмжээ нь өдөрт 2 цаг байдаг. Зурагтын өмнө олон цагаар суух нь тэдний гүйж харах алхах, хөдөлгөөнт тоглоомоор тоглохыг хязгаарлаад зогсохгүй тэднийг бусадтай нийгэмшихийг хязгаарлаж байда. Зурагтын өмнө олон цагаар суудаг хүүхдүүд ихэнх нь жингийн илүүдэлтэй байдаг. Харин үүний оронд хүүхэдтэйгээ нуугдаж тоглох, дээс үсрэх, хөөцөлдөх зэрэг тоглоомоор тогловол та ч бас хүүхэдтэйгээ цуг өдөрт хуримтлуулсан энергиэ зөв зарцуулах боломжтой.
Хүүхдээ эхний 6 сар хөхөөр хооллох
Эхний 6 сар хүртэл хөхөөр хооллосон хөхөөр богино хугацаанд хооллосон болон хөхөө огт иддэггүй өссөн хүүхэдтэй харьцуулахад хэвийг жинтэй байдаг.
Эцэг эхчүүд хүүхэддээ хандах, тэдэнд зарцуулах цагаа аль болох их болгох
Эцэг эхийн хайр халамжаар дутмаг, эцэг эх нь хэтэрхий завгүй байдгаас хүүхэддээ цаг гаргаж чаддаггүй, тэдэндээ эрхэлж тоглож өсөөгүй хүүхдүүд эцэг эх нь хүүхэддээ анхаарал тавьдаг хүүхдүүдийг бодвол жингийн илүүдэлтэй байдаг. Эцэг эхийн хайр халамжаар дутах, тэднийг санах, үгүйлэх нь хүүхдийг хямралд оруулж таргалах нэг шалтгаан болдог.
Хүүхдээ аль болох олон төрлийн хоол хүнсээр хооллох
Хүүхэд байнга бантан идээд байвал мэдээж уйдна. Үүний оронд бантангаа олон янзаар хийж болно. Жишээлбэл тахианы мах, үхэр хонины мах, махгүй, луувантай, өндөгтэй, хар гурилтай гээд хийж болох олон төрлөөр өгч байвал тэжээлийн дутагдаллд орохгүй. Мөн хүчээр ам руу нь хийх шаардлагагүй болно.
Эцэст нь хэлэхэд хүүхдийн насан туршдаа ямар бие хүн болон төлөвшиж, өсч торних тэдний эрүүл мэнд ирээдүйд ямар байх нь хүүхдийн төрснөөс хойш эхний 3 жилийн дотор л шийдэгддэг. Харин энэ нь эцэг эх танаас ихээхэн хамааралтай гэдгийг мартаж болохгүй.
