Дуучин Жастин Бибер амралтаар явж байгаад санамсаргүй байдлаар чихнийхээ хэнгэргийг гэмтээжээ. Энэ талаар mtv.com сайт мэдээллээ. Эдүгээ хорьхон настай залуу од маань хадан хясаанаас ус руу үсрэх эрсдэлтэй тоглоомоор наадаж байхдаа гэмтэл авсан аж. Тэрбээр өчигдөр өөрийн твиттер хуудастаа “Cliff Diving /хаднаас үсэрч, ус руу орох/ хийж байгаад чихээ гэмтээчихсэн.
Эмч даруй мэс засал хийлгэх хэрэгтэй гэсэн. Үүнээс болоод та нартаа барих уран бүтээл маань хойшлогдож магадгүй. Гэхдээ одоо хийж байгаа уран бүтээлээ хүргэх болно” хэмээн бичжээ. Түүний дуулгасан гэнэтийн таагүй мэдээ олон фенүүдийг нь хүнд цохилтод оруулаад байгаа гэнэ.
Б.Даваа
