Хүүхэд бүхэн амттанд дуртай байдаг. Тиймээс эцэг эхчүүд сайн хүн болох гэж хүүхдэд чихэр өгдөг. Гэтэл энэ нь ямар их муу үр дагавартай болохыг бодолцдоггүй.
Хүүхдээ эрхлүүлэхдээ чихэр өгнө, аргадахдаа бас өгнө, уйлахаар нь, уурлахаар нь, цалингаа буухаар, баяр болохоор гээд хүүхдээ ганц хуурдаг зүйл нь чихэр байдаг.
Хүүхэд биедээ хэрэгцээтэй тэжээллэг хоол хүнс идэх ёстой шүү дээ. Гэтэл чихэр идсэнээр диатизтай болоод зогсохгүй цусан дахь чихрийн хэмжээ нь ихсэж сахарын өвчтэй болох үндэс тавигдана.
Мөн чихэрлэг зүйл идсэнээр хүүхэд хоолондоо муу болдог.
Ихэнх эцэг эхчүүд хүүхдээ хоол идэхгүй байна гэж шаналдаг. Гэтэл тэднийг юунаас болоод идэхгүй байгааг мэддэггүй.
Чихэр идэхэд хоолны дуршил үгүй болж, хоолны амт мэдэгддэггүй. Үүнээс болоод хүүхдийн биед шаардлагатай амин дэм, шим тэжээлтэй, хэрэгтэй бодис дутагддаг.
Хүүхэд нялх нярай байхдаа мариатай байснаа 3-4 нас хүрээд ирэхээрээ мариа нь шуугддаг. Энэ бүхэнд чихэр л буруутай. Хүүхэддээ хайртай хүн хэрэгтэй зүйлийг нь л авч өгдөг шүү дээ. Тэгэхээр сайн хүн болох гэж хүүхдэд чихэр авч өгсний хэрэггүй.
