Боксчдын олимпийн эрхийн сүүлийн тэмцээн ирэх сарын 4-нд Казахстаны Астана хотноо эхэлнэ. Харамсалтай нь энэ тэмцээнд Бээжингийн олимпийн аварга, манай найдваруудын нэг Э.Бадар-Ууган оролцож чадахгүй болсон таагүй мэдээ сонсогдлоо.
Энэ талаар тодруулахаар аваргын утсанд холбогдоход “Харин тийм ээ. Уг нь нурууны өвчин овоо эдгээд сэтгэл санаа гайгүй болж ирсэн ч бэртэл эргээд сэдэрчихлээ. Нэг мөсөн сайн эдгээж байгаад тэмцээнд орохгүй бол болохгүй нь. Яаж ийгээд эрхээ авлаа ч гэсэн найдвар тавьж байсан хүн нь олимпод эхний даваандаа ялагдчихвал хэцүү. Надад авьяас, ур чадвар дутсан зүйл алга.
Харин эхний ээлжинд эрүүл байх хэрэгтэй юм байна. Ирэх жил гэмт лээ сайн эдгээж эрүүл болчихоод ДАШТ-д юу чаддагаа харуулна аа. Яах аргагүй ийм байдалд хүрснийг маань хүмүүс ойлгох биз ээ” хэмээн ярив.
Г.БАЯРСАЙХАН
