“Хэцүү анги” киноны Сувдын дүрээр олны танил болсон Э.Уянга Австрали улсад найз залуутайгаа суралцаж байгаа. Түүнийг “UBS” телевизийн хөтлөгч Чойжилсүрэнтэй хамтран амьдарч байгаа гэдгийг хүн бүхэн мэдэх биз ээ. Хөтлөгч Э.Уянга нь 10 жилийн ширээнээс кино урлагт хөл тавин “Миний муу аав”, “Кино шиг амьдрал”, “Зоорь” зэрэг бүтээлд туслах болон гол дүрийг бүтээсэн чадварлаг жүжигчин. МУИС-ийг утга зохиолын ажилтан, сэтгүүлч мэргэжлээр төгссөн тэрээр “Цоглог” хөтөлбөрийн хөтлөгч хийж сэтгүүлзүйд хөл тавих гараагаа эхэлсэн Э.Уянга өөрийнхөө гэрэл зургийг “Гэнэтийн бэлэг” хэмээн олон нийтэд дэлгэсэн. Удалгүй хэвлэлээр нэг хөл хүнд болжээ гэх мэдээлэл цацагдсан ч жүжигчин бүсгүй маань “Хөл хүнд болоогүй гэдэс маань үе, үе дүүрч томорчихдог юм” гэв.
Зургийнхаа талаар тайлбарлахдаа, “Ёстой буруу зүйлээрээ тоглолоо. Өөрийнхөө зургаар жоохон сахилгүйтсэн чинь миний тоглоом хэрээс хэтрээд тоглоом биш болчихлоо. Монголд байгаа гэрийнхэн, найз нөхөд маань гайхаад цус харвах дөхсөн байна. Уучлаарай зургаа оруулахаасаа өмнө бодох байж… гэхдээ Монгол хүн амны бэлгээрээ хаашдаа л жирмээ болох юм чинь дээ. Гэхдээ одоо бол зүгээр дан биеэрээ байгаа шүү, давхар биетэй биш. Би их гэмшиж байна” гэжээ.