Холливудын үзэсгэлэнт хүүхнүүдийн нэг 36 настай Шарлиз Терон ээж болжээ. Энэ мэдээ хүмүүсийн хувьд гэнэтийн зүйл болсон юм. Учир нь, жүжигчин бүсгүйн бие галбир хэвэндээ байсан билээ. Шарлиз бүсгүй өдгөө ээж хүний зовлон, жаргалыг амсч суугаа гэнэ. Тэрээр хүү өргөж авсан байна. Энэ мэдээллийг түүний төлөөлөгч нотлов. Жүжигчин эмэгтэй хүүгээ Жексон хэмээн нэрийджээ. “Тэрээр Жексон нэртэй эрүүл саруул хүүгийн эх болсондоо баяртай байна” гэж Тероны хэвлэлийн төлөөлөгч мэдэгдэв.
Сэтгүүлчид үүнээс илүү нарийн зүйлийг одоогоор мэдэж авч чадсангүй. Холливудын гоо бүсгүй Шарлиз хажууд нь тогтвортой эр хүн байхгүй байгаад харамсч явдгаа нэг бус удаа илэрхийлсэн билээ. Тэрээр ганцаардалд автсан тул ийм арга замыг сонгож авсан байна. Сүүлийн үед тэрээр ээж болохыг хүсч, мөрөөддөг тухайгаа нэлээдгүй ярьсан.
Гэр бүлтэй болохыг зорьсон ч таарч тохирох эр олдоогүй юм. “Би хүүхэдтэй болохыг хүсч байна. Маргааш ч болов ийм зүйл тохиолдоосой билээ. Тэгвэл би их аз жаргалтай байхсан” хэмээн Шарлиз In Touch сэтгүүлд өгсөн ярилцлагадаа өгүүлжээ. Ингэхдээ тэрээр хүүхэд үрчилж авах талаар бодож байгаа гэдгээ ярьсан билээ.
www.wikimon.mn
