Хот газарт хүн өдөрт хэдэн зуу, заримдаа хэдэн мянган хүнтэй харьцах тохиолдол ч байдаг. Тэдгээр олон хүний дотоод соёлыг таньж мэдэх бололцоо даанч байхгүй. Хүнийг юуны өмнө гадаад дүр төрх, эелдэг харьцаагаар нь л анхны дүгнэлт хийдэг. Гадна төрх байдлаараа соёлтой хүн бүр өндер ёс суртахуунтай байдаггүй. Ёс суртахуунтай хүн ямагт эелдэг байж, хүмүүс хоорондын харилцааг ямагт зөөлрүүлж, тэдэнд харилцааны сайхныг биечлэн үзүүлж, орчин тойрны хүмүүстээ аз жаргал, баяр хөөр бэлэглэж, тэдний талархал хүндэтгэлийг нь хүлээж байдаг. Тиймээс ч та бусадтай харилцахдаа доорх зүйлсийг мэдэж байхад илүүдэхгүй бизээ.
ХАРИЛЦАГЧАА ХҮНДЭТГЭЖ БАЙГААГАА ИЛЭРХИЙЛЭХ 10 АРГА
1. Анхааралтай сонс. Хэн нэгэн биднийг сонсоход бидэнд тааламжтай байдаг. Түүнтэй адил та ч түүнийг сонирхож чагнавал түүнд тааламжтай байх болно.
2. Сэтгэл хөдлөлд нь анхаарлаа хандуул. Та харилцагчаа сонссоны дараа өөрийнхөө зүгээс хариу урвал үзүүлэх ёстой. Хэрэв та түүний ярьж байх үеийн дууны өнгө, дхио зангааг ажигласан бол үүнийгээ харилцагчаа ойлгох түлхүүр болгон ашиглаж болно.
3. Үгээ цэнэ. Хэн нэгэнд амлалт өгөхгүй байснаар та өөрийгөө үнэлэх үнэлэмжийг нэмэгдүүлээд зогсохгүй харилцагчаа хүндэтгэж байгаагаа ойлгуулж чадна.
4. Бүү хоцор. Харилцагчаа хүндэтгэж байгааг илэрхийлэх бас нэг арга болж яг цагтаа ирэх явдал юм.
5. Хэм хэмжээг сахь. Энэ нь тийм ч хүнд бус. Ярьж байгаа хүнийхээ үгийг бүү тасал. Мөн хүнтэй эелдэг харьцаж, “Баярлалаа”, “Зүгээр ээ” хэмээх үгийг байнга хэлж занш.
6. Магт. Зарим үед бид хэн нэгний тэнэг санааг сонсоод нөгөө хүнийхээ толгойд орж ирсэн бүх итгэл найдварыг үгүй хийж, түүнийг шүүмжлэхийг хүсдэг. Гэхдээ та хүмүүсийн ямар ч санаа бодлыг сайшааж чадвал тэр танд илт сайнаар хандах болно.
7. Шударга бай. Түүнд худал ярьж, хов зөөхөөс зайлсхий.
8. Замаасаа бага зэрэг гажихыг зөвшөөр. Эсэргүүцэл, бартаа багатай зам хайх гэж үргэлж тэмүүлэх хэрэггүй. Хэрвээ та хэн нэгэнд өөрийнхөө сайн талыг харуулахыг хүсч байвал түүнийг үнэлж, түүнд тусал. Гэхдээ түүнээс хариу нэхэж болохгүй.
9. Харилцагчаа чухал хүн гэдгийг мэдрүүл. Хэн нэгэнтэй хэл амаа ололцож чадахгүйүедээ түүнтэй маш эелдэг, боловсон харьцахыг хичээгээрэй. Энэ нь түүнд өөрийнхөө давуу талыг мэдрэхэд тус болно. Чимээгүй хүнгүй газар очиж, харилцаанд үүссэн зөрчлийг хамтдаа шийдвэрлээрэй.
10. Хүмүүсийг бүү ялгаварлан хуваа. Хүнийг арьсны өнгө, эд баялаг, хүйсээр нь ангилж болохгүй. Тэдэнтэй ямар ч хамаагүй яриа өрнүүлж, санал бодлоо солилцож болно. Ингэснээр та тэднийг яг л өөр шигээ хүн болохыг мэдэрнэ
