Туркийн Ерөнхийлөгч Режип Таип Эрдоган дахиад л олны хэл амны бай боллоо. Учир нь тэрбээр эмэгтэйчүүд эрэгтэйчүүдийн энд зэрэгцэхгүй гэж хэлснээс хамаг дуулиан эхэлжээ. Тэрбээр феминист хөдөлгөөнүүдийг хурцаар шүүмжилж, эмэгтэй хүн, эх хүн байх зориулалттайгаа ойлголгүй хэрээс хэтэрсэн зүйлээр хөөцөлдөж байна хэмээсэн юм. Хамгийн хачирхалтай нь тэрбээр Истанбул хотноо бол Дэлхийн засаглал, эмэгтэйчүүдийн чуулганы үеэр эл хурц шүүмжлэлээ өгчээ.
Түүний хэлсэн үгийг бүрэн эхээр нь орчуулбал “Эрэгтэй, эмэгтэй хүмүүст эн тэнцүү байна гэсэн ойлголт байхгүй. Хэзээ ч тэнцвэржихгүй. Байгалиас өгөгдсөн өгөгдлийг өөрчлөх аргагүй юм. Энэ хоёр хүсний систем үндсээрээ өөр байдаг юм. Эмэгтэйчүүдийг эрчүүд ажилладаг газар ажиллуулж болохгүй.” гэжээ.
Туркийн эмэгтэйчүүдийн байгууллага Режип Таип Эрдоганы үзэл санааг хүчтэй эсэргүүцэж, жендерийн асуудлыг цаашид улам хурцаар хөндөхөө мэдэгдлээ. Ноён Эрдоган өмнө нь эмэгтэйчүүдийг багадаа гурван хүүхэд төрүүлж, үр хөндөлтөөс байнга зайлсхийж явахыг анхааруулснаар бас л олны дургүйцлийг төрүүлж байлаа. Мөн тэрбээр энэ сарын эхээр лалын шашинтнууд Христофер Колумбаас урьтаж, Америк тивийг нээсэн гэж хэлж, түмний анхаарлыг татаж байлаа.
Тобби
– See more at: http://world.time.mn/content/51476.shtml#sthash.AeshlsyQ.dpuf
