Хөгжмийн зах зээлд шинэ урсгалыг дэлгэрүүлж өөрийн гэсэн өвөрмөц стилиэр фенүүдээ байлдан дагуулсан Lady Gaga 1986 оны энэ өдөр мэндэлжээ. Тайзны нэрээрээ алдаршсан түүнийг Stefani Joanne Angelina Germanotta хэмээдэг бөгөөд Нью-Йорк хотод төрж өссөн байна. Дөрвөн настайдаа төгөлдөр хуур сурч 13 насандаа анхны дуугаа бичүүлж, багаасаа л бусдаас өвөрмөц хувцаслаж, этгээд байхыг хүсдэг байсан тэрбээр урлагийн дээд сургуулиа төгсөөд шууд л хөгжмийн карьераа эхлүүлсэн аж.
‘Lady Gaga” гэх нэрийг түүний хамтрагч, продюсер Rob Fusari өгсөн гэнэ. Түүний продюсер хэлэхдээ Би ‘Radio Ga Ga’ гэж бичихэд тэрбээр миний бичсэн үгийн ‘Radio’ -г ‘Lady” болгон өөрчлөөд над руу харан “Ингээд л болчихлоо” хэмээсэн гэжээ. Ая зохиох чадварлаг авьяастай тэрбээр хоёр жилийн турш хит болсон “Born This Way” дуугаа ердөө 10 минутын дотор бичиж дуусгасан байна. Түүний бусад дуунууд гарсан цаг үеэсээ эхлээд Billboard-ын тэргүүн эгнээд байдаг болж Youtube болон Google сайтаар хамгийн их хайгдсан дуучин болсон аж.
Түүний бүтээлүүдэд өөлөх зүйл байдаггүй бөгөөд хамгийн сонин, хачирхалтай, өвөрмөц, хит бүхнийг тэр эзэмшдэг юм. “Grammy” авардсаас богино хугацаанд хамгийн их шагнал авч чадсан цөөн хэдэн дуучдын нэг нь Lady Gaga юм. Түүнийг олон хүмүүс бэлгийн цөөнх гэж хэдэн жилийн турш хардаж байсан ч “Цус сорогчийн өдрийн тэмдэглэл” киноны од Taylor Kinney-тэй болздог нь нотлогдсон юм. Тэд анх You And I back клипний зураг авалтын үеэр танилцаж байжээ.
Б.Ширнэн
Эх сурвалж: “Нийгмийн толь”