-Хэдийгээр нөхөр тань таныг орхиж явсан ч гэсэн та түүнийг уучлах гэж оролдохыг хичээх хэрэгтэй. Учир нь өөрийнхөө бүтэлгүй амьдралыг хурдан мартах, сэтгэлийн зовлонгоос ангижрахын тулд өөрийнхөө төлөө хийж буй зөв алхам юм. Энэхүү алхам нь түүнд бус харин танд хэрэгтэй гэдгийг ойлгох хэрэгтэй юм шүү.
-Нэгэн сэтгэл зүйчийн зөвлөснөөр бол сэтгэл зүрхэндээ болон өөртөө сонсогдохоор өдөрт хэд хэдэн удаа залбирал үйлдэж байх. Уг залбирал нь: “Би нөхрийгөө талархах сэтгэл болон хайраар үдэж явуулна. Түүнийг анх надтай учрахад ямар байсан яг л түүгээр нь хүлээж авах болно. Би түүний талаархи муу муухай бодол, үзэн ядах сэтгэлээ авч хаях болно”. Энэ нь мэдээж хэрэг эхэндээ эсэргүүцлийн ширүүн салхийг дуудах боловч дараагаар нь түүнийг өөрийнхөө сэтгэл зүрхнээс авч хаяж байгаа мэдрэмж төрж, бие сэтгэл тань хөнгөрөх болно.
-Магадгүй та хоёр бие биенээ уучилж чадсан тохиолдолд эргээд нийлж болох юм. Ингэхийн тулд өөрийн эцэс төгсгөлгүй үргэлжлэх зөрчилдөөнийг дуусгавар болгох хэрэгтэй.
-Хэрэв та салалтын талаар харамсаж, өөрийнхөө санаа бодолтойгоо эвлэрэхийг хүсэхгүй байгаа бол үргэлж өөртөө зориулж хугацаа товлож байх болно. Та нөхрөө хэзээ эргэж ирэхийг нь хүлээж суух вэ? Энэ нь магадгүй гурван сар аль эсвэл хагас жил ч байж болох юм. Гэвч тийм их хугацаа биш болов уу. Заримдаа та уй гашууд ч автаж болох юм.
-Гуниг гутрал, үзэн ядах сэтгэл гээд бүхий л муу муухай бодол санаанаасаа салж, сэтгэл санаагаа ариун байлгах хэрэгтэй. Ингэхийн тулд танд багагүй цаг хугацаа хэрэгтэй байх болно. Гэсэн ч цаг хугацааг заавал хүлээлгүйгээр өөрөө хувь заяагаа сөрж зогсон тэмцэх хэрэгтэй. Түүнчлэн найз нөхөд гэр бүлийнхний чинь сэтгэлийн дэм танд маш их тус болох болно.
-Хэзээ ч ямар ч үед хүнд зүйл тохиолдох учир урьдаас түүнийг давж гарах сэтгэлийн тэнхээтэй байх хэрэгтэй.
