Сүүлийн үед үзэгчдээс “Рекламын мангас”, “Банш” зэрэг” нэрээр өхөөрдүүлээд байгаа “Х түц” хамтлагийн жүжигчин Д.Батаа продакшнаасаа гарсан тухай мэдээлэл хэвлэлүүдээр нэлээд хэдэн өдөр шуугилаа.
Түүнчлэн, түүнийг хошин урлагаасаа татгалзаж, дэлгэцийн бүтээлд нэгмөсөн урвахаар шийдсэн гэж гэх мэтээр бичиж байгаа. Энэ тухай өөрөөс нь асуухаар утас цохиход тэрээр “үгүй ээ. Би хамтлагаасаа гараагүй” гээд утсаа таслаж орхив.
Ямартаа ч тэрбээр хамтлагаасаа гараагүй бололтой. Баттай эх сурвалжийн мэдээллээр тэрбээр хамгийн сүүлд “Ээжийн дайсан” нэртэй инээдмийн жанрын уран сайхны кинонд тоглосон гэнэ. Уг киноны зургийг авч дууссан бөгөөд ирэх сарын дундуур дэлгэцнээ гарах юм байна.
Б.Дэжид