СӨҮЛ. /NHK/. Өмнөд Солонгосын “Samsung Electronics” корпорацийн борлуулалт сүүлийн есөн жилд анх удаа өнгөрсөн онд буурчээ. Энэ нь тус компанийн гол бүтээгдэхүүн болох ухаалаг гар утастай өрсөлдөх адил бүтээгдэхүүнүүдийг гадаадын компаниуд гаргах нь нэмэгдэж, өрсөлдөөн эрчимжсэнтэй холбоотой аж.
Тус компани 2014 оны ашиг орлогын талаарх урьдчилсан тайлангаа танилцуулсан юм.
Өнгөрсөн онд тус компани өмнөх 2013 оныхоос 10 хувиар бага буюу 187 сая долларын бараа бүтээгдэхүүн борлуулжээ.
Үйл ажиллагааны орлого нь өнгөрсөн онд 32 хувиар буурсан нь сүүлийн гурван жилд анх удаа буурсан үзүүлэлт болж байна.
Тус компанийн ухаалаг гар утасны бизнестэй “Apple” болон Хятадын бусад компани ширүүн өрсөлдөж байгаа юм.
Хятадын компаниуд ухаалаг гар утсаа хямд үнээр худалдах замаар зах зээлд эзлэх байр сууриа хурдацтай өргөжүүлсээр байгаа билээ.
Ухаалаг гар утасны бизнесээс хамааралтай байдлаа багасгахын тулд “Samsung Electronics” эмнэлгийн тоног төхөөрөмж үйлдвэрлэх зэрэг салбарт анхаарлаа хандуулж, хүрээгээ тэлж байна.
Г.Доржханд
Эх сурвалж: “Монцамэ” агентлаг