А.Туяа: Гэр бүлийг эмэгтэй хүн л авч явдаг “Х-Түц” продакшны залуу жүжигчин А.Туяа хэний ч харцыг татахуйц царайлаг, нуруулаг төдийгүй гадаад төрхийг нь хүмүүс “Нэлээд европжуу” гэлцдэг. Жүжигчин А.Туяа хошин урлагийн “Тогоон”-д орж ирсэн цагаасаа л бие хаа, зүс, царайгаараа олны анхаарлыг татсан. Тэрбээр, саяхан нээлтээ хийгээд удаагүй байгаа “Амьдрал нулимсанд дургүй” уран сайхны кинонд гол дүр бүтээсэн билээ. Энэ тухайгаа цахим хуудастаа “Киногоо үзээд их уйллаа. Энэ кинонд тоглосноор их зүйлийг ухаарч, ойлголоо. Гэр бүлийг эмэгтэй хүн л авч явдаг гэж би боддог. Мэдээж амьдралд янз бүрийн зүйл тохиолдоно. Түүнийг эмэгтэй хүн давж гарч чадахгүй, шантрах юм бол гэр бүл оршин тогтнож чадахгүй” хэмээн оруулжээ.
