Хойд Солонгосын удирдагч Ким Чен Ун “K-pop” урлагийн үнэнч шүтэн бишрэгч юм. Тэрээр улсынхаа ‘Moranbong Band’ нэртэй охидын хамтлагийг хаана ч явсан дагуулж, тоглолт толилуулах дуртай. Хойд Солонгосын “Spice Girls” гэж нэрлэгддэг тус хамтлаг таван гишүүнтэй бөгөөд дуучин охид богино банзал, бариу даашинз, өндөр өсгийтэй гутал өмсөж, үсээ буржийлгадаг байна. Мөн цоглог хэмнэлтэй дуу дуулж, бүжиглэдэг юм. Шинжээчид Ким Чен Уныг энэ охидын хамтлагаар дамжуулан залуу үеийнхэнд нөлөөлөхөөр чармайж байгаа гэж үздэг. Харамсалтай нь тэрээр хамтлагийн гишүүдийн сонин хэвлэлд ярилцлага өгөх эрхийг хязгаарладаг юм.
