Ер нь эрэгтэй хүний сексийн дур хүсэл буурах нь эмэгтэй хүний амьдралын хэв маяг өөрчлөгдсөнтэй холбоотой юм. Учир нь эхнэрийнх нь сексийн хэв маяг өөрчлөгдсөн үед эрэгтэй хүний дотоод ухамсарт эхнэрийнх нь тачаангуй бус байдал нь өдөр ирэх тусам уйтгартай байдлыг төрүүлдэг ажээ.
Үүнтэй холбоотойгоор эрчүүд өөр хэн нэгэн сексийн хамтрагч эмэгтэйг эрж хайдаг байна. Эмэгтэй хүний нөхрийгөө гэсэн хайр халамж нь ихсэж харин сексийн тал дээрээ тэр бүр ач холбогдол өгөхөө больчихвол эрэгтэй хүнд яг л ээж шиг нь санагддаг болчихдог гэнэ шүү.
Иймд бүсгүй та энэ байдлаас нөхрийгөө болон өөрийгөө авч гарахын тулд амьдралын хэв маягаа өөрчлөх хэрэгтэй болов уу.
Ингэхийн тулд:
-Юуны өмнө өдөр нь гэрийн сайн эзэгтэй харин шөнө нь тачаангуй эмэгтэй байх хэрэгтэй. Өөрөөр хэлбэл эмэгтэй хүн хувирч чаддаг байх ёстой гэсэн үг юм.
-Урьд өмнө нь та хоёр бие биенийхээ дур хүслийг ямар харьцаан дээр татаж чаддаг байснаа эргэн нэг санах гэж оролдохыг хичээгээрэй.
-Улиг болсон оройн романтик зоогоо идэх хэрэгтэй гэж үү. Харин үүнийхээ оронд аятайхан ресторанд оройн хоолоо идэнгээ өнгөрсөн таатай дурсамжуудаа эргэн санавал зүгээрсэн.
-Нөхөр тань таныг тачаангуй гэж харахаар хувцас өмсөөрэй. Яагаад ганц удаа ч гэсэн өөрийнхөө стилийг өөрчилж болохгүй гэж ?
-Өөрийнхөө амьдралын хэв маягийг өөрчлөх гэсэн энэ санаачилгаасаа ичиж зовсны хэрэггүй. Хэдий огцом мэт санагдаж байсан ч гэсэн нөхөрт тань ямар нэгэн мэдрэмжийг төрүүлэх болно.
-Аятайхан дотуур хувцас худалдаж авах хэрэгтэй. Болж өгвөл торгон, торон материалтай гэрэлтдэг байвал зүгээр. Харин хар, улаан, цагаан, ягаан өнгөтэй байвал илүү аятайхан харагдана.
-Түүнчлэн дотно, чин сэтгэлийн үг хэллэгийг хэрэглэж, халуун дотно уур амьсгалыг бүрдүүлж өгөх хэрэгтэй. Тухайлбал: “Өнөөдөр бүх зүйл чиний хүссэнээр байх болно” гэх мэтчилэн.
-Эрэгтэй хүн нүдээрээ таашаал авдаг болохоор ямар ч үед нөхөртөө аль ч талаараа сайхан харагдаж байх ёстой.
