Т.Мино “Би тэр айлаас зөвхөн хуримын даашинзаа л авч гарсан”

Нижгэр хурим хийж, олны нүдийг орой дээр нь гаргах дөхсөн дуучин Т.Номин буюу Миногийн гэрлэлт гуравхан сарын настай байлаа. Дамбын Хишгээгийн хүү Х.Энхжинтэй дэр нэгтгэж, үнэтэй бэлгэнд “дарагдаж” суусан царайлаг бүсгүй нэг л өдөр гэрээсээ явахад хүрсэн гэдэг. Мэдээж хэрэг, олны танил сайхан бүсгүйчүүд ихэвчлэн бэлтэй эрийн цайг чанадаг бичигдээгүй хууль манайд бий. Тэр дагуу цөөн хэдэн дуу гаргаж, кино болон клипэнд тоглосон дүрээрээ олонд танигдах гэж хичээж яваа энэ шавилхан бүсгүйг хөрөнгө чинээгээрээ гайхуулдаг толгой баяны бэр болоход хүмүүс нэг их гайхаагүй.

Mino-4292633442201412010131

Гэвч тансаг хотхонд төвхнөж, үнэтэй машин хөлөглөсөн дуучин Миногийн амьдрал үлгэрийн гэмээр сайхан байж чадаагүй аж. Шоу цэнгээн, мөрийтэй тоглоомноос салдаггүй эрх нөхрөө аргадаж зэмлээд ч тусыг эс олсон учраас салах өргөдлөө өгч шуугиан тарьжээ. Цаадах нь ч ээлжит амрагаа дагуулан Тэмээн поло үзэж буй зураг нь хэвлэлд нийтлэгдэхэд Мино эцсийн шийдвэрээ гарган өрх тусгаарласан гэдэг.

 

Хамгийн сонирхолтой нь, түүнийг өөр нэгэн хотхонд шинэ байр худалдан авч ээжтэйгээ цуг ороход “Баян нөхөр нь салахдаа багагүй мөнгө өгсөн байх. Тэр мөнгөө үрж дуусгаад дараагийн эрээ уургална биз” хэмээн хардах хүн ч цөөнгүй байлаа. Харин дуучин бүсгүй хамаг бүхнээ уудалсан нэгэн ярилцлагадаа “Би тэр айлаас зөвхөн хуримын даашинзаа л авч гарсан” гэж ярьжээ.

 

Минод амьдралынх нь хамгийн аз жаргалтай дурсамжийг тээж үлдсэн хуримын даашинз чухал байсан гэх бөгөөд энэ гэрлэлт нь хөрөнгө мөнгөн дээр тогтоогүй, цэвэр хайр сэтгэл байсан хэмээн дурсчээ. Тэрбээр өмнө нь үерхэж явсан хуучин найз залуутайгаа эргэн нийлж, хөөрхөн хүүхдийн ээж болсон бөгөөд өдгөө “Эмоци” продакшинд ажиллаж байгаа билээ.

Эх сурвалж: www.factnews.mnчехол айфон 4sdubai escort agency


Т.Мино “Би тэр айлаас зөвхөн хуримын даашинзаа л авч гарсан”
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.