Цаг хугацаа хичнээн хурдан өнгөрч байгааг охин чинь нүдэн дээр чинь батлах шиг. Гэсэн ч хүний үр хэзээд ээж аавдаа нялх байдаг хойно хүүхдээ 30, 40 хүрсэн ч нялхарсаар л байдаг нь жам юм. Ээждээ хөтлүүлэн тэнтэр тунтар алхаж байсан цаг саяхан мэт санагдана. Сүүлийн үед хөлд нь хий орсон мэт оройтож ирэн, утаснаасаа салахаа больсон охиноо юунаас ч юм харамлах сэтгэл төрнө. Нэг л өдөр охин чинь түгдрэн чухал зүйлийг чамд хэлнэ. Ийм үе хэзээ нэгэн цагт ирнэ гэдгийг мэдэж байсан хэдий ч өнөөдөр биш гэдэгт чи итгэсээр л…Энэ үед чи яах уу?
Сөрөг шийдэл: Охиноо хэтэрхий эрт ийм харилцаанд орсныг буруутган, тэр хэн болох юу хийдэг зэргээр шүүж гарна. Цаашид тэр хүнтэй уулахыг хориглож, оройтож гэртээ ирэх, найз нөхөдтэйгээ уулахыг хатуу хориглоно. Түүнийг дахиж ийм зүйл хийхгүй гэдэг ам тангараг авна. Сайн загничихсан байхад цаашид ийм болчимгүй зүйл тэр хийхгүй байх болно.
Эерэг шийдэл: Хамгийн түрүүнд охинтойгоо чин сэтгэлээсээ ярилцана. Энэ алхам магадгүй хэтэрхий эрт байж ч болно. Гэхдээ энэ талаар охинтойгоо урьд нь ярилцаж байгаагүй бол өөрийгөө буруутгана. Учир нь би өсвөр насны охинтой гэдгээ ч мартчихсан явсан байна шүү дээ. Охинтойгоо нөхөн үржихүйн эрүүл мэндийн талаар ярилцаж хамгийн гол нь эмэгтэй хүн өөрийнхөө биеийг хайрладаг байх хэрэгтэйг сануулна. Түүний цаана ямар их хариуцлага дагадаг гэдгийг ойлгуулахыг хичээнэ. Ээж нь охиндоо итгэдэг гэдгээ хэлнэ. Миний охин надад л энэ зүйлээ хэлэхгүй бол өөр хэнд хэлэх билээ. Цаашдаа ч гэсэн энэ асуудлаар ээжтэйгээ нээлттэй байхыг сануулна.
Яагаад ингэх ёстой гэж?
1рт: хэтэрхий эрт санагдаж болно. Гэхдээ чи энэ талаар охинтойгоо ярилцаж байгаагүй бол охиноо биш өөрийгөө буруутга. Учир нь би өсвөр насны охинтой гэдгээ мартжээ.
2рт: Түүнийг зэмлэлээ гээд юу ч өөрчлөгдөхгүй. Харин ч байдлыг бүр дордуулна. Охин чинь чамд цаашид энэ тухай юу ч ярихгүй, тас нуух болно.
3рт: Энэ бол жам ёсны асуудал. Хэзээ нэг цагт ийм үе ирэх л байсан.
ГООЛИНГОО