Дуучин Уранхолбоо буюу Ану өдгөө таван охины ээж болоод буй. Эмэгтэй хүн хэрхэн ажил, амьдралаа тэнцүүхэн авч явж болдгийн тод жишээ болж буй тэрээр гэр бүлийн харилцааны тал дээр “Яг зүрх сэтгэлээ үнэхээр бүрэн зориулж чадна, ямар нэг материаллаг сонирхолд автахгүйгээр зүрх сэтгэлээ зориулаад,энэ миний хамт байх хүн, энэ хүнгүй бол амьдрахгүй гэдэг сонголтоо хийсэн хийсэн гэж би боддог. Ямар ч материаллаг алсын хараа надад байгаагүй. Хайртай хүнээ зөвхөн хайр сэтгэлийн холбоогоор, хайр сэтгэлийн хараагаар сонгосон. Тэгээд эргээд харахаар амьдрал илүү утга учиртай байгаа байхгүй юу. Мэдээж асуудал, проблем гарч ирнэ. Тэрийг амьдралдаа хайртай, хажуудах хүндээ үнэхээр хайртай бол хүн даван туулахын тулд юу хийх ёстой вэ? яавал илүү гоё байж болох вэ? гэдэг тэр дараа дараагийн асуудал нууц амраг, бид нарын ярьдаг дараа дараагийн хүнд сэдвүүдийг хөндөхгүйгээр, тэрэнд автахгүйгээр амьдрах боломжууд амьдралд байгаа. Нэгэнт сонгосон хүнээ илүү сайхан байлгая, илүү сайхан хайрлая, хамтын амьдралаа илүү гоё байлгая гэвэл хамтдаа хичээж болно. Амьдрал аягүй жижигхэн зүйлээс эхэлдэг ш дээ. Жижиг жижиг анхаарал, хайр халамжийг хэн хэндээ тавих юм бол сэтгэл ханамжтай байх боломж зуун хувь байгаа” хэмээжээ.
Б.Болор
Эх сурвалж : Factnews.mn