Бараг л өдөр бүр шахуу нүдний контураа буруу шивүүлснээс үүдэлтэй нүдний өвчлөл, нүдний гэмтэл үзэж эмчилж байгаа тул энэ зөвлөгөөг бичиж байна.
1. Шивээсийг нүдний салст дээр биш арьсан дээр л хийх ёстой. Өөрөөр хэлбэл сормуусны гадна ёроолоор хийвэл зовхины арьс байна, тэнд шивэх нь зөв. Гэтэл ихэнхдээ сормуусны дотор ёроолоор нүдний ирмэгийн салст бүрхүүл дээр шивээд байгаа нь буруу.
2. Сормуусны дотор талын ёроол хэсэгт тосны булчирхайнууд нээгддэг, гэтэл та шивээс хийлгээд сорвижуулчихаар тосны булчирхайнууд бөглөрөх, үрэвсэх, дахин дахин өвдөг гарах, хуурай нүдний бүх асуудал үүсэн нүд аргах, тогтмол улайх, гадаа гараад явах болон салхитай утаатай үед нулимс аяндаа гоожих, хараа бүрэлзэх зэрэг зовиур тогтмол таныг зовоох болдог.