Өөрийгөө Монголын цорын ганц философич хэмээн цоллож явсан нэгэн бол С.Молор-Эрдэнэ. Үе үе олноос зөрж өөрийн үзэл бодлыг илэрхийлж өөр нэгэн өнцгийг олонд таниулдаг тэрбээр эрэгтэй хүмүүсийг маш төвөгтэй хэмээн тодорхойлжээ.
Тэрбээр “Эр хүн гэдэг маш төвөгтэй нөхөр л дөө. Эрэгтэй хүүхэд гэр бүлд, нийгэмд ямар үүрэгтэй байх ёстой юм гэдэг нь өөрөө төвөгтэй. Нийгэмд эмэгтэй хүний шаардлага маш их. Хүүхэд төрүүлэх, өсгөх гэх мэт. Харин эрэгтэй хүнд цоо шинэ үүрэг, ажил гардаг. Эрт дээр үед дайн байлдаан хийгээд хамаг юм аа аваад ирдэг байсан. Социализмын үед барилга байшин бариад, бичиг үсэг сураад эр хүн шиг эр хүн байсан бол 1990 оноос хойш бүгд больсон.
Гахай үүрээд ганзагын наймаанд гарсан. Нэг нэг жийп, байшинтай болоод амарчихсан. Одоо бол анд явах, загасанд явах, покер тоглохоос өөр ажилгүй. Одоогийн нийгэмд байгаа эрчүүдийг би хэлээд байгаа ш д. Ямар ч утгагүй. Аз жаргал ёстой байхгүй. Яагаад гэвэл зорилго байхгүй, хүсэл байхгүй. Зорилго, хүсэл байгаад яах юм? тэр нь жийпээ томруулах, гар утсаа сайжруулах. Тэр чинь ёстой инээдэм. Эр хүний асуудал маань маш том хямралд орчхоод байгаа. Монголын эрчүүдийг яах юм байгаа юм, мэдэхгүй” хэмээсэн байх бөгөөд одоо үед эр хүн шиг эр хүн ховорхон байгаа хэмээн тодорхойлсон байна.
Б.Болор
Эх сурвалж: Factnews.mn