Хүүхэд хөл, хэлд орж, цэцэрлэгт яваад эхлэхээрээ зурагтаар гарсан бүрийг дуурайн хийж, бүжигчин, балерина болох тухай ам шулгануулан ярьж эхэлдэг. Харин хүүхэд хийх боломжгүй, мэргэжлийн бүжигчин, циркийн жүжигчин хүмүүст зориулсан хөдөлгөөнийг хүүхдүүд дуурайж байгаад гэмтэх аюул бий.
Харин мэргэжлийн хүмүүсийн зөвлөсөн хөдөлгөөнийг хүүхдэдээ зааж өгвөл, аюул ослоос сэргийлж, хөдөлгөөний эвслийг сайжруулах ач холбогдолтой. Ээжүүд ч хамтдаа дагаад хийгээрэй.
Урбан йогоор мэргэшсэн багш Кимберли Липсоны зөвлөснөөр хүүхдийн анхан шатны хөдөлгөөнүүдийг танилцуулъя.
Анхаарах зүйлс:
-Дасгалыг хийх бүртээ удаанаар хамраар амьсгаа авч, удаанаар амаараа гаргана.
-Дасгал бүр дээрх позоор ойролцоогоор 30 секунд зогсооно /сарын дараанаас хугацааг 45 сек болгож болно/
-Дасгал бүрийн ард 10 сек орчим бүх биеэ суллан амрах нь зүйтэй
Зураг дээрх дасгалыг хийхдээ аль болох таазаа дээш өргөхийг сануулаарай. Хүүхдүүд насанд хүрэгчдийг бодоход илүү уян хатан байдаг учир таазаа маш өндөрт өргөж чаддаг. Шагайгаа аль болох өгзөгөндөө ойртуулах гээд хичээгээрэй.
Энэ дасгал цусны эргэлтийг сайжруулна. Мөн өсөлт, хөлний булчин, шагайны хөгжилд сайнаар нөлөөлнө.
Эхлээд өвдөг дээрээ сууж байгаад босговол байрлалаа олоход хялбар болно. Аль болох дан өлмийн дээр биш хөл гар бүтнээрээ газарт хүрч байхад анхаараарай. Мөн чадах хэмжээгээрээ өгзгөө өндөрт өргөж, өвдөг хэсгээрээ тэгшхэн байлгавал сайн.
Энэ дасгал нь тэвчээртэй, тогтвортой болгох болон амьсгалын тогтолцоог сайжруулах ач холбогдолтой.
Хөлдөө мөрний хэмжээтэй зай авч зогсоод хоёр алгаа зурагт үзүүлсний дагуу сум хэлбэртэй болгоно. Тэгээд хоёр хажуу руугаа ээлжлэн хавирган сарны хэлбэр үүсгэн зогсоорой.
Хавирган сарны дасгал нь биеийн хажуугийн уян хатан байдлыг сайжруулна. Хажуугийн уян хатан байдал сайн хөгжөөгүйгээс шалтгаалан насанд хүрэгчид эвгүй хөдлөх төдийхнөөр гэмтэх тохиолдол байдаг. Энэ дасгал тэр аюулаас хамгаалахад тусална.
Эхлээд хөлөө нийлүүлэн зогсоно. Дараа нь нэг хөлөөрөө нөгөө хөлнийхөө шилбэ орчим аваачна. Хамгийн сүүлд гараа зурагт үзүүлсний дагуу барина. Нүдээ аниад хийх нь зүйтэй. Дасгалыг хоёр хөл дээр ээлжлэн хийлгүүлээрэй.
Энэ дасгал нь бодол санааг цэгцлэх, тэнцвэртэй болгох тустай. Ихэнх хүүхдүүд бодол санаагаа цэгцлэх, чимээгүй байх талаар ойлголтгүй байдаг. Харин энэ дасгалыг хийснээр түр хугацаанд ч болтугай бодлоо сонсох, чимээгүй байхын ашиг тусыг анзаарах боломжтой болно.
Хөлөө шагайгаараа нийлүүлж зогсоод, мөрөө чангалахгүй сул тавьж, гараа цээжин дээрээ авч ирээд зогсоно. Энэ хялбар дасгал нь амар тайван, айдасгүй, ядаргаагүй болоход тустай.
Энэ бол Кимберлигийн охины хамгийн дуртай дасгал. Хөлөө нийлүүлж зогсоод, нүүрээ аль болох хоёр өвдөгөндөө нааж зогсоно. Тэнцвэртэй байж, унахгүйн тулд хоёр гараараа хөлийн ул хэсгээс барьж өгнө. Хэрвээ танай хүүхэд дасгалыг төвөггүй хийж байгаа бол аль болох өвдгөө нугалахгүй байхад нь анхаараарай.
Дасгалыг тогтмол хийснээр уян хатан байдал болон цусны эргэлтийг сайжруулна. Мөн өсөлтөнд сайнаар нөлөөлнө.
Нуруугаараа дээшээ харж хэвтээд хөлөө дээрээ авчирна. Тэгээд хоёр гараараа хөлний тавхайн гадна талаас барьж өгнө. Ингэж барьсны дараа хоёр хөлөө аль болох хол зайтай болгож салгаарай.
Зураг дээрх дасгал нь сээр нурууны буруу гаж хөгжлөөс сэргийлж, аарцагны ясны хөгжилд сайнаар нөлөөлнө. Дасгалыг зөв тогтмол хийж сурвал, ирээдүйд ээж болоход тун тустай.
Зурагт үзүүлсэн дасгалыг хийхдээ хамгийн гол эгц суух шаардлагатай. Хэрэв эгц суухгүй бол дасгал буруу хийгдэж, биеийн хөгжилд сөргөөр нөлөөлнө. Аль болох аарцаг хэсгээрээ хөлөө сайн дэлгэж, хоёр тавхайгаа нийлүүлэн сууна.
Эрвээхэй дасгал нь шагайны ясны уян хатан байдал болон аарцагны ясны хөгжилд тустай.
Хүүхдээ доошоо харуулаад хэвтүүлнэ. Түр амарсны дараа өвдгөө гэдэс орчмоо авч ирээд, тавхайгаа дээшээ харуулна. Зурагт үзүүлсний дагуу гарын алгаа доош харуулан аль болох урагшаа сунгана. Гараа урагшаа урт сунгах тусмаа сайн.
Энэ нь өмнөх дасгалуудын нэгэн адил сунгалт, уян хатан байдлыг хөгжүүлнэ.