Бизнесийн салбарт аль хэдийнэ ноёрхолоо тогтоож, монголын хөрөнгөтнүүдийн эгнээнд өөрийн байрыг эзэлсэн “Чоно” группыг мэдэхгүй хүн байхгүй болов уу. Чимээгүй баян хэмээн нэрлэгддэг “Чоно “ группын ерөнхийлөгч Т.Энхболд 2 хүүтэй .
Тэднийг Ананд болон Агар гэдэг бөгөөд хоёулаа заяаныхаа ханиар сэтгүүлч бүсгүйчүүдийг сонгожээ. Аавынхаа араас бизнесийн салбарт хүч үзэхээр бэлтгэж буй тэдний хөвгүүд өнгөрсөн жил зэрэг эхнэр авсан бөгөөд телевизийн салбарын өнгө төрхийг тодорхойлдог сайн найзуудыг “уургалжээ”.
Том хүү Э.Анандын эхнэр Б.Энхзаяа нь “UBS” телевизийн нэвтрүүлэгчээр ажилладаг бөгөөд үрийн зулай үнэрлээд удаагүй байгаа бөгөөд ажлаасаа хэсэг хугацаанд чөлөө аваад байгаа аж.
Харин бага хүү Э.Агарын гэргий Д.Санчирмаа нь “Шинэ дэлхий ” телевизийн урлаг соёлын редакцид ажилладаг бөгөөд дуучин Д.Сарангуагийн том охин гэнэ лээ.
90-ээд оны дундуур царай зүс бие хаагаараа олны анхаарлыг эрхгүй татдаг байсан дуучин Д.Сарангуа уран бүтээлээсээ хөндийрч, нэлээд хэдэн жил Энэтхэг улсад амьдарч байгаад ирсэн. Бурхан шашны дуулал, магтаалаар олны сонорыг мялаадаг тэрээр охиноо айлын бэр болоход тун дурамчхан байсан гэдэг.
Харин Т.Энхболд, Ч.Ачтуяамаа нарын хувьд ирэх зун хоёр хүүгийнхээ хуримыг нижгэр хийхээр төлөвлөөд байгаа сурагтай.
Factnews.mn