Нөхөр чинь таны санаснаар тушаал ахихгүй бол энэ тухай түүнд бүү ярь. Байдлыг улам муутгана.
Хэрэв та өөрийн нэр дээр банканд мөнгө хийвэл дэвтрээ нөхөртөө заавал үзүүл. Учир нь танай нөхөр нуусан дэвтрийг чинь олчихвол гомдож мэднэ.
Нөхрөө хол газар удаан хугацаагаар явсан хойно танайд таньдаг залуу чинь ирсэн бол, энэ тухай нөхрөө ирэхээр хамгийн түрүүнд хэлээрэй. Хэрэв хөршүүд амжаад шивнэчихвэл тоогүй юм болж мэднэ шүү.
Та нөхрийнхөө халааснаас юм уу, цүнхнээс нь эмэгтэй хүний зураг олсон бол огт мэдээгүй дүр үзүүлээрэй. Энэ нь ердөө мөрөөдөл ч байж болно шүү дээ. Иймэрхүү явдал мөрөөдөмтгий эрчүүдэд тохиолдож л байдаг юм.
Нөхөрт:
Хуримаа хийхээс өмнө хэдэн хүүхэнтэй найзалж байснаа эхнэрээсээ бүү нуу. Харин үүнийгээ байн байн бахархан ярьж эхнэрээ тэдэнтэй харьцуулж болохгүй шүү.
Ажил дээр чинь бүтэлгүй явдал тохиолдвол эхнэртээ шууд хэл. Сайн эхнэр бүхнийг ойлгож тусална.
Хэрэв хүүхдийн талаар ч юм уу эсвэл гэр бүлийн санхүүгийн байдал чинь таны санааг зовоож байгаа бол энэ тухайгаа эхнэртээ үнэнчээр хэлээрэй.
Огт санаандгүй байдлаар ямар нэгэн орлого олбол эхнэхтээ үнэнчээр хэлээрэй. Хэн ч хаанаас ч олсон бай тэр орлого гэр бүлийн хэрэнцээнд л зориулагдах ёстой шүү.
Ажил дээр чинь болон хэн нэгэнтэй тоглоом шоглоомоор хэн нэгэнтээ бие биенээ цаашлуулж ярьснаа эхнэртээ хэлэх хэрэггүй хэрэв хэлвэл чамайг буруугаар ойлгон хардаж мэднэ шүү.
Эхнэртээ би чамд хайртай гэдэг үгийг хэдийд ч хамаагүй хэлж бай. Олон удаа ингэж хэлэхээсээ бүү төвөгшөөгөөрэй. Гэхдээ үнэн сэтгэлээсээ хэлэх нь чухал шүү. Учир нь энэ үг юуг ч бүтээх чадалтай шүү.