Алдарт дуучин Лэди Гага-г этгээд сонин хоолой, гаж хувцаслалтууд нь бусад одуудаас ялгаруулдаг. Лэди Гага энгийн байх дургүй гэдэгээ байнга л мэдэгдэж, энэ тухайгаа байнга ярьдаг. Гэтэл саяхны нэгэн телевизийн нэтрүүлэгт өгсөн ярилцлагадаа дуучин Мадонна “Лэди Гага намайг харин ч дутуу хуулдаг. Учир нь тэр “ногоон”-оороо байна” хэмээн хэлж үзэгчдийг гайхшруулаад авсан. Уг ярилцлагадаа тэрээр “Би тухайн үед бүхий л охидын хүслэн байлаа шүү дээ. Тийм учраас түүнд миний нөлөө байдаг байх.
Заримдаа намайг яг дуурайсан үйлдэл хийх, хувцаслахыг нь хараад хөгжилттэй санагддаг. Мэдээж би үүнд дургүйлхдэггүй. Учир нь тэр тийм ч гойд нэгэн биш, энгийн охин. Бас одоохондоо түүхий байна. Гэхдээ яваандаа тэр бол тэр, би бол би гэдгийг ухаарах биз. Тэр миний дууг харин ч дутуу хуулаад, юу ч биш болгочихсон байна лээ. Цаг хугацаа харуулах биз.” гэжээ. Үүнд Лэди Гага-гийн фенүүд дургүйцлээ илэрхийлэн дуучин Мадоннагийн фэйсбүүк хуудсанд сөрөг сэтгэгдлүүд үлдээсэн байна.
Б.Урангоо
