Холливудын од Уилл Смит 15 жилийн турш ханилсан Жада Пинкеттээс салахаар шийдсэн тухай мэдээлэл түгээд буй билээ. Эхнэр нь байсхийгээд л “араар нь тавьж”, шар хэвлэлийн од болгосоор байгаад Смитийг залхаасан гэж бичих болсон. Тэд хэвлэлд өөрсдийгөө “чөлөөт гэр бүл” гэж тунхагласаар ирсэн ч гэсэн эхнэр, нөхөр гэчихээд өөр хүнтэй учраад явахыг дотроо тэвчихгүй байсан нь гэр бүлээ цуцлуулах өргөдөл өгснөөр нь илэрсэн юм.
“Тийм ээ, миний нөхөр чөлөөтэй эр хүн. Тэр өөрийгөө толинд хараад ичих хүртлээ дураараа байх эрхтэй. Бид хоёр бол насанд хүрсэн хүмүүсийн чөлөөтэй харилцаатай хос” гэж Жада Пинкетт өгүүлж байсан юм.
Гэвч харилцаагаа чөлөөтэй болгох тусам гэр бүлийн уур амьсгал улам хүндэрсээр байжээ.
Уилл Смит сүүлийн үед 23 настай, шаргал үст жүжигчин бүсгүй Марго Роббитой амрагийн харилцаатай болсноо ч нуухаа больж. Смитийг эхнэр нь чамгүй олон удаа хуурсан гэгдэг тул тэрбээр “Одоо энэ гэр бүлийг оршин тогтнуулах ямар ч боломжгүй боллоо” гэсэн мэдэгдлийг Жада Пинкеттийг эхэлж хийнэ гэж хүлээн суугаа гэнэ.
Жада одоогоор Уилл Смитээс холдож, төрсөн ахынхаа гэрт түр сууж байгаа ажээ. Тэдний хүү Жейден, охин Уиллоу нар ч эхийгээ дагаж тэнд очсон байна. Харин Уилл Смит өөрөөсөө 22 дүү жүжигчин бүсгүйтэйгээ уулзах нь улам ойртсон байна.
Р.Гэгээ