Өнөөдөр аргын тооллын 2014 оны тавдугаар сарын 15. Пүрэв гараг. Билгийн тооллын XVII жарны “Тийн ялгуусан” хэмээгч модон морин жилийн хаврын илүү дунд улаагчин туулай сарын 16. Онгоц одтой, 9 улаан мэнгэтэй улаан нохой өдөр. Бархасвадь гараг. Өдрийн барилдлага Үл тохирох. Шүтэн барилдлага Нэр өнгө. Наран 5 цаг 31 минутад мандан, 20 цаг 29 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хишиг даллага дуудуулах, насан бүтээл хийлгэх, хүүхэд үрчлэн авах, тангарагаа буцаахад сайн. Нүүдэл суудал хийх, хэрүүл тэмцэл хийх, эрдэнийг гадагш өгөх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
* * *
Өрнийн зурхай
Хонины орд (3/21-4/19): Өнөөдөр хонинууд үл ойлголцолд хүрэх, дотны хүнтэйгээ маргалдаж магадгүй. Хониныхон өөрсдөө ширүүн зөрүүд зангаасаа болж ийм байдалд хүрнэ. Хэрэв та өөрийнхөө бурууг мэдэрвэл бардам зангаа татаж хайртай хүнээсээ уучлал гуй. Өнөөдөр их зарлага бүү хийгээрэй.
Үхрийн орд (4/20-5/20): Таатай өдөр. Үхрийн ордныхон энэ өдөр ажил дээрээ гайхалтай амжилттай байна. Хурдан бодох зохион байгуулах үр дүнгээ танилцуулах зэрэг ажил маш хурдан хялбар бүтнэ. Бусдад үйлчилдэг ажилчид дэмжлэг талархал хүлээнэ. Мөрөөдөл биелэгдэж болзошгүй ба та ирж байгаа сарын турш өндөр зөн совин урлагийн авьяастай байна.
Ихрийн орд (5/21-6/21): Тайван өдөр. Эрүүл мэнддээ анхаарал хандуул. Тусгай гимнастик хий. Шаардлагатай бол шинжилгээ хийлгэ. Эрүүлжих бүхий л арга хэмжээ ашиг тусаа өгнө. Хайрын шинэ харилцаа үүсвэл дорвитой алхам шууд битгий гарга. Үнэ цэнэ нь тодортол хүлээ.
Мэлхийн орд (6/22-7/22): Өнөөдөр аз, эз хосолсон өдөр. Учир нь олдохгүй олон үйл явдлын дундаас ирээдүйг харах чадвараа ашиглан гарч чадна. Энэ эргүүлэг дотроос хамгийн чухал зүйлийг нь олж, түүний үндсэн дээр ирээдүйгээ цогцлоон босго. Мэлхийнхэнд сэтгэлийн хат байна.
Арслангийн орд (7/23-8/22): Итгэлтэй өдөр. Дуртай зүйлээ тодорхойлж төлөвлөж эхлэхэд тохиромжтой цаг. Найз нөхөдтэйгөө цагийг өнгөрөөх нь танд урам зоригийг өгөх болно. Өнөө оройн хоолыг өөрийн бүлэгтэйгээ идэхээр төлөвлө. Романтик байдал нь маш сайн итгэлцэл болно, ялангуяа ямар нэг бүтээлч зүйл дээр хамтран ажиллаж байгаа үед найз нөхөдүүд дурлалцах, хайр дурлалтангууд найз нөхөд болоход тохиромжтой цаг.
Охины орд (8/23-9/22): Энэ өдөр танд амар амгалан, хайрыг авч ирнэ. Танд зугаалах хүсэл их байх тул амралтаа зохион байгуулах талаар бод. Хэрвээ та гэр бүлтэй бол хоёр дахь бал сараа зохиож, романтик газар уруу зугаалаарай. Хэрвээ та ганц бие бол нийгмийн аливаа үйл ажиллагаа, олон хүнээс хол газар аялах нь таны романтик байдлыг чимнэ.
Жинлүүрийн орд (9/23-10/22): Салан тусгаарлах өдөр. Хэрвээ гэрээсээ хол танихгүй газар явах гэж байгаа бол газрын зураг, юмуу луужин авч яваарай. Танихгүй газар төөрөх нь таныг бусдаас тусгаарлаж, үнэт цагийг чинь алдагдуулна. Бүх зөвлөгөө яг байгаа онож буудахгүй. Ямар нэгэн зүйлд урам хугарах байдал зарим хүмүүст тохиолдож болзошгүй. Хүүхдүүдийн эрүүл мэндэд онцгой анхаарал хандуул
Хилэнцийн орд (10/23-11/21): Эерэг өдөр. Өөрийгөө үнэлэхдээ шударга, буурь суурьтай байж чадвал ялалт байгуулахад ойрхон байна. Таныг жолоодож буй хүсэл зорилгодоо ухамсартай хандах нь зөв сонголт хийхэд илүү ашигтай байх болно. Хэрвээ хэн нэгэнтэй харилцаатай байгаа бол түүнтэй зарим зүйлсийн талаар ярилц. Таны ойр дотны хүн тань асуудлаас зайлсхийх болно.
Нумын орд (11/22-12/21): Эерэг өдөр. Зөв алхам хийх, шийдвэр гаргахад хялбар байна. Өөдрөг сэтгэлтэй бай. Нөхцөл байдлыг удирдаж бүхий л өдрийн асуудал санаа зоволтууд амжилттай дуусна. Гэр бүлийн баяр баясгаланг нэмэх худалдаа хийх нь олзтой. Хэт ихийг хүсэх нь асуудал үүсгэдэг. Тйимээс тайван байж, аливааг хэтрүүлэх хэт өөдрөг байхаас сэргийл.
Матрын орд (12/22-1/19): Азтай өдөр. Энэ өдрийг хүртэл онцгой нэгэнтэй гүнзгий холбоог үүсгэхийг хүсээгүй хүмүүст сайнаар нөлөөлөх боловч нөгөөтэйгээр амрагтай хүмүүст таагүй зүйлийг авчирч болох юм. Зарим нэг нь дампууралд өртөн сэтгэлээр унаж болзошгүй. Харин спорт сонирхдог нэгэн нь морин уралдаан ба сугалаанд бага зэргийн бооцоо тавибал ашиг авч ирнэ.
Хумхын орд (1/20-2/18): Од эрхэс таныг ахин анхааралдаа авч байна. Санхүүгийн хувьд өнөөдөр ихээхэн хэмжээний ашиг авчирах бололтой. Гэр бүлийн хүрээнд багахан хэмжээний баяр тэмдэглэх эсвэл ойр дотны хүмүүстэй гэнэтийн бэлэг бэлдэх хэрэгтэй. Таны сэтгэл санаа өөдрөг байгаа хэдий ч бусадтай харьцахдаа эелэг хүлээцтэй бай.
Загасны орд (2/19-3/20): Таагүй өдөр. Таны хүсэл зорилго бүтэлгүйтэж магадгүй. Гэвч та бууж өгөх хэрэггүй. Амралтаа аван, сайхан ном уншиж, кино үзэн, аяллын хөтчийг унш. Аливаа амралт нь таны сэтгэл санааг хэвийн болгож, уралдаанаа дахин үргэлжлүүлэхэд тустай. Бясалгал болон йогийн курст орох нь зөв. Энэ нь таны эрч хүчийг элдэв эмгүйгээр сэргээх биз ээ.