Домогт жүжигчин Мэрилин Монро АНУ-ын Ерөнхийлөгч Жон Кеннеди, түүний дүү Роберт нарын хамт.
Мэрилин Монрог ах, дүү Кеннеди алсан байж болзошгүй талаар шинэ материал дэлгэгдлээ. Холливудын хамгйин алдартай хувийн мөрдөгч агсан Фрэд Оташийн охин түүний тэмдэглэл, бусад баримтыг олны хүртээл болгожээ.
Оташийн тэмдэглэлд Холливудын секс бэлгэ тэмдэг, дуучин, жүжигчин Мэрилин Монрогийн амьсгал хураасан сүүлчийн мөчийн талаар өгүүлсэн байна. Оташ “Мэрилин Монро хэрхэн үхэж байгааг би сонссон” хэмээн тэмдэглэлдээ бичжээ.
Мэрилин Монрог нас барахын өмнөхөн Оташ түүний Лос-Анжелес дахь шилтгээнд сонсох төхөөрөмж суурилуулсан байжээ. Мөрдөгчийн тэмдэглэлд өгүүлснээр Мэрилин Монро ах, дүү Кеннедитэй бэлгийн харьцаатай байсан аж. Мэрилин Монро энэ талаар “Үмх мах шиг л эрчүүдийн гар дамжиж байна” гэж Рин, сэтгэл санаагаар ихэд унаж, шаналж байсан гэнэ.
Хамгийн сонирхолтой нь, Жон, Роберт (Бобби) Кеннеди нар Мэрилинийг нас барах өдөр буюу 1962 оны 8-р сарын 5-нд түүний гэрт очсон нь нотлогджээ. Тэд учиргүй хэрэлдэж маргалдсан байна
“Мэрилин чанга хашгирч, харин тэд тайвшруулахыг оролдсон. Мэрилин унтлагын өрөөнд Боббитой хамт байсан юм. Тэр түүнийг орон дээр дарж унагаад хашгирч орилохыг нь хөршүүд сонсохоос сэргийлэн, толгойг нь дэрээр дарсан. Тэгээд бүсгүйг дуугүй болсны дараа тэр гарч явсан юм” гэж Оташийн өдрийн тэмдэглэлд өгүүлжээ. Харин маргааш нь Оташ дуучин бүсгүйн үхлийн тухай дуулжээ.
Албан ёсоор Мэрилин Монрог нойрны эм хэтрүүлэн нас барсан гэж зарласан. Тэр үед Мэрилин 36 настай байсан бөгөөд алдар нэр нь ид цуурайтаж явсан тул амиа хорлох шалтгаан түүнд байгаагүй.
Ингэхэд Мэрилин Монрогийн хөрш, жүжигчин Питер Лоуфорд дараа нь Оташтай холбоо бариад дуучны гэрээс хэргийн ул мөрийг арилгахыг тушаасан гэнэ. Тэгээд л Мэрилиний гэрт хийсэн бичлэгүүд ор сураггүй алга болжээ.
Мөрдөгч Фрэд Оташ 1992 онд нас барсан юм. Холливуд түүний амьдралаас сэдэвлэн “Чайнатаун” кино бүтээсэн. Түүнчлэн Жеймс Эллроу “Shakedown” романаа бичжээ. Оташийг нас барсны дараа түүний талаар сөрөг мэдээлэл их гарах болсон тул охин нь эцгийнхээ хуучин баримтуудыг ийнхүү сөхсөн аж.
www.mnews.mn
Мэрилин Монро ба АНУ-ын Ерөнхийлөгч Жон Кеннеди, түүний дүү Роберт нарын хамтдаа авахуулсан цорын ганц гэрэл зураг.
Фрэд Оташ.