2026 оны 10 дугаар сарын 19-нд “Victoria’s Secret” брэнд жил бүрийн уламжлалт загварын шоугаа зохион байгуулж, дэлхийн алдартай супермоделиуд болон оддыг нэгэн тайзнаа цуглууллаа. Гэвч энэ удаагийн шоу зөвхөн тансаг хувцас, сүрлэг далавчаараа бус, маргаан дагуулсан шийдвэрүүдээрээ олны анхаарлыг татсан юм. Зарим үзэгчид мэргэжлийн загвар өмсөгчдийн оронд цахим орчны нөлөөлөгчдийг оролцуулж байгааг эсэргүүцэн шоуг бойкотлохыг уриалжээ. Гэсэн ч Белла Хадид, Жижи Хадид, Ирина Шейк, Кайли Женнер зэрэг алдартнуудын оролцоо загварын ертөнцийн гол сэдэв болов.
1. Белла Хадид шоуг нээв
Белла Хадид цэцэглэж буй мод, дэлбээлсэн цэцэгсээс санаа авсан тод өнгийн хувцас, том далавчтайгаар шоуг нээжээ. Түүний өвөрмөц төрх энэ жилийн загварын шоуны хамгийн анхаарал татсан мөчүүдийн нэг байлаа.
2. 4 тэрбум төгрөгийн үнэтэй хөхний даруулга
Кайли Женнер энэ удаа “Victoria’s Secret”-ийн тайзнаа анх удаа загвар өмсөгчөөр алхаж, шоуны хамгийн үнэтэй гоёлыг танилцуулсан байна. Түүний өмссөн алдарт “Fantasy Bra” нь 4400 ширхэг янз бүрийн огтлолтой алмаазаар чимэглэгдсэн бөгөөд ойролцоогоор 4 тэрбум төгрөгтэй тэнцэх аж.
3. Ирина Шейк цагаан далавчтайгаар гялалзав
Оросын алдарт супермодель Ирина Шейк торон материалтай дотуур хувцас, цасан цагаан далавчтайгаар тайзнаа алхаж, үзэгчдийн анхаарлыг татсан байна.
4. Эльза Хоск сүрлэг далавчаараа олныг гайхшруулав
2026 оны загварын шоуны хамгийн том, сүрлэг далавчнуудын нэгийг Эльза Хоск зүүж, тайзнаа алхжээ.
5. Алекс Консани – шинэ үеийн төлөөлөл
Загвар өмсөгч Алекс Консани энэ удаагийн шоунд оролцсон цорын ганц трансжендер модель болж, загварын салбарын олон талт байдлыг илэрхийлжээ.
6. 16 жилийн дараа эргэн ирсэн нь
Британийн алдарт загвар өмсөгч Рози Хантингтон-Уайтли 16 жилийн завсарлагааны дараа “Victoria’s Secret”-ийн тайзнаа эргэн гарч, үзэгчдийг баярлуулжээ.
7. Загварын түүхэнд нэрээ үлдээсэн Анок Яй
Загвар өмсөгч Анок Яй нь Наоми Кэмпбеллийн дараа “Prada” брэндийн загварын шоуг нээсэн анхны хар арьст модель болж, загварын ертөнцөд онцгой амжилт гаргажээ.
8. Домогт сахиусан тэнгэрүүд дахин нэгджээ
“Victoria’s Secret”-ийн алдарт сахиусан тэнгэрүүд Адриана Лима, Алессандра Амбросио нар энэ удаа реппер Megan Thee Stallion-той хамт нэгэн тайзнаа гарчээ.
9. Биеийн олон төрхийг хүлээн зөвшөөрөх нь
Victoria’s Secret брэндийг загварын тайзнаа биеийн хэлбэр, галбирын олон янз байдлыг төлөөлүүлдэггүй хэмээн шүүмжилж ирсэн. Үүний дараа шоуны зохион байгуулагчид plus-size загвар өмсөгчдийг оролцуулах болсон бөгөөд тэдний нэг нь алдарт Эшли Грэм юм.
10. Загварын тайзнаа хамт алхсан одод
2026 оны Victoria’s Secret шоунд дуучин Тэйт Макрэй оролцож, супермодель Жижи Хадидтай хамт загварын тайзнаа алхжээ.
11. "Victoria’s Secret"-ийн домогт сахиусан тэнгэр
Өмнөд Африкийн супермодель Кэндис Свейнпол 2007 онд тус брэндийн тайзнаа анх алхаж, 2010 онд албан ёсоор “Victoria’s Secret”-ийн сахиусан тэнгэр болжээ. Тэрээр брэндийн хамгийн танигдсан нүүр царайны нэг юм.
12. Ээж болсноосоо сарын дараа тайзнаа эргэн ирэв
Унгарын супермодель Барбара Палвин хүүхдээ төрүүлснээсээ ердөө нэг сарын дараа “Victoria’s Secret”-ийн загварын шоунд оролцож, тайзнаа алхжээ. Түүнийг нөхөр, жүжигчин Дилан Спроус үзэгчдийн эхний эгнээнээс дэмжин суужээ.
13. Палома Эльсессер мөн тайзнаа гарчээ
Алдарт plus-size загвар өмсөгч Палома Эльсессер Эшли Грэмийн хамт 2026 оны “Victoria’s Secret”-ийн загварын шоунд оролцож, биеийн галбирын олон янз байдлыг төлөөлжээ.
14. Виттория Черетти дахин тайзнаа
Италийн загвар өмсөгч Виттория Черетти “Victoria’s Secret”-ийн шоунд хоёр дахь удаагаа оролцсон ч одоогоор албан ёсны «сахиусан тэнгэр» цол хүртээгүй байна. Жүжигчин Леонардо Ди Каприогийн найз бүсгүй тэрээр энэ удаа дотуур хувцасны оронд даашинзтайгаар тайзнаа алхсан цөөн загвар өмсөгчдийн нэг байв.
15. "Victoria’s Secret"-ийн тайзны танил дүр
Намиби улсын загвар өмсөгч Беати Принслу брэндийн загварын шоунд олон удаа оролцож байсан бөгөөд энэ удаа ч “Victoria’s Secret”-ийн тайзнаа эргэн иржээ.
16. Гялалзсан шоуны төгсгөл
Шоуны төгсгөлд бүх загвар өмсөгчид хамтдаа тайзнаа гарч уламжлалт финалын алхалтаа хийжээ. Энгийн дотуур хувцасны загварын үзүүлбэрээс эхэлсэн “Victoria’s Secret”-ийн шоу өдгөө сүрлэг далавч, дэлхийн оддын тоглолт, олон сая долларын үнэтэй гоёл чимэглэл хосолсон томоохон үзвэр болон өргөжжээ. Гэвч энэ удаагийн шоуны эргэн тойронд өрнөсөн маргаан брэндийн ирээдүйн чиг хандлагын талаар дахин асуулт тавьж байна.
https://www.caak.mn/post/view/45419
