Оливын тосны чийгшүүлэх чадварыг бишрэн шүтэе! Усыг ууршуулдаггүй нэгэн ер бусын хүчлийг оливын тос өөртөө агуулдаг. Энэ хүчил нь хүний биед агуулагддаггүй учир оливын тосоор дамжуулан түүний чийгшүүлэх ид шидийг нь мэдэрч болох юм. Доор оливын тосыг гоо сайхан, арьс арчилгаандаа ашиглах 3 аргыг дурьдлаа.
Биеийн тос
Усанд орж дуусаад биеэ гүйцэд хатаагүй чийгтэй байхад энэ аргыг хэрэглэнэ. Биеэ угааж усаар сайтар зайлсны дараа оливын тосоор биеэ чийгшүүлж байгаа мэт массажлан түрхэнэ. Хүсвэл хэдэн дусал эфирийн тос дусаагаад хэрэглэвэл сайхан үнэр биед чинь шингэнэ. Эфирийн тосыг гоо сайхны, биеийн савангийн дэлгүүрүүдэд худалддаг. Үүний дараа та гэрэлтэн гялтганасан, торгомсог зөөлөн арьстай болсон байна. Ялангуяа хуурайшилтаас болж үүссэн биржгэр, сайр, хар өнгө зэргийг арилгахад сайнаар нөлөөлнө.
Батганы эсрэг үйлчилгээ
Энэ нь бага зэрэг утгагүй сонсогдож байгаа ч зарим хүмүүст оливын тосыг арьсныхаa асуудалтай хэсэгт хэрэглэхэд үнэхээр гайхалтай үр дүн өгсөн байдаг юм шүү. Гурван халбага оливын тосыг дөрвөн халбага давстай холин зуурмаг болтол нь сайтар хутгаарай. Бэлэн болсон бүтээгдэхүүнээрээ гарынхаа хуруугаар нүүрэндээ түрхэж массажлаад бүлээн усаар сайтар зайлаарай. Хамгийн сүүлд сальфеткаар тосны үлдэгдлийг зөөлөн дарж аваад л боллоо.
Үсний ширэлдээс тайлах
Багахан хэмжээний оливын тосыг чийгтэй үсэндээ түрхэж, нилэнхүүд нь тараагаад гараараа ширэлдсэн хэсгийг нь зөөлнөөр самнан орооцолдоосыг гаргана.