Поле бүжгийн хэлбэр нь шон дээр төвлөрөн акробатын элементүүдийг бүжгийн хэлбэрт оруулсан харьцангуй шинэ төрөл юм. Эхэндээ шөнийн цэнгээний газарт бүжиглэдэг байсан энэ төрөл саяхнаас фитнесийн нэгэн төрөл болж заалны спорт болоод байгаа.
Энэхүү бүжгийн төрөл нь тамирчнаас ихээхэн хүч чадал, уян хатан байдал, тэвчээр шаарддаг байна. “Pole dance”-ийн тамирчин болохын тулд маш нарийн сургалт шаардлагатай бөгөөд цаашид хөгжүүлэхийн тулд сургалтын арга зүйг сайтар боловсруулах хэрэгтэй.
Шөнийн цэнгээний газарт тайчих үзүүлбэрийг шон ашиглаж үзүүлдэгтэй холбоотойгоор ихэнх хүмүүсийн ойлголт эротик, насанд хүрэгчдийн зугаа цэнгэл гэж ойлгох нь бий. Харин 2000 оноос хойш энэхүү бүжгийг спорт, урлаг талаас нь ойлгуулах, хөгжүүлэх тал дээр ажиллаж тодорхой хэмжээний амжилтанд хүрээд байгаа ажээ. Дэлхийн болон олон улсын чанартай тэмцээн уралдаан зохион байгуулагддаг болоод байна.
