Бүсгүй хүн бүр өөрийн гэсэн зан араншинтай, гэр бүлийн өөр өөр хүмүүжилтэй. Түүнийг дагаад айлын эхнэр болмогц биеэ авч явах байдал нь ч бас харилцан адилгүй байдаг. Мэдээж, тухайн нөхцөл байдалд бидний гаргах зан авир ч гэсэн өөр байх нь ойлгомжтой. Гэхдээ өдөр тутмын амьдралын хэв маяг гэж байх тул дараах 7 төрлийн эхнэрүүдийн тухай уншаад өөрийгөө тодорхойлоорой. Ер нь ямар эхнэр байсан нь дээр вэ? Хэрвээ чиний “тодорхойлолт” таалагдахгүй байгаа бол өөрийгөө өөрчлөхийн тулд юу хийх ёстой вэ гэсэн асуултыг өөрөөсөө асуугаарай.
1. Завшигч эхнэр
Ийм төрлийн эхнэр зөвхөн өөрийнхөө асуудлыг нэн түрүүнд тавьдаг. Тэр нөхрөө дэмждэггүй, түүний ажлыг, сонирхолыг хүндэтгэдэггүй. Нөхрөө байнга шүүмжилж, бусадтай харьцуулдаг. Олны өмнө өөрийнхөө давуу талыг байнга харуулж, нөхөртөө юу, яаж хийхийг алхам тутамдаа заадаг. Заримдаа нөхрийнхөө ярих хэв маяг, гадаад төрхийг хүртэл өөрийнхөөрөө засаж залруулахыг оролдоно. Зөвхөн өөрийнхөө идэх дуртай хоолыг л хийдэг. Нэг үгээр хэлбэл нөхрийнхөө хувь хүний мөн чанарыг хулгайлж, завшдаг гэсэн үг. Ийм төрлийн эхнэр мөнгийг юмны чинээ тооцдоггүй бөгөөд байнга мөнгө дутагдаж байна гэж үгэлдэг. Тэр үнэтэй шуб авахын тулд хадгаламж дахь бүх мөнгөө зарцуулахаас ч сийхгүй. Нөхөр бол яах вэ дээ, хамгийн гол нь өөрийгөө л эрхлүүлэх хэрэгтэй.
2. Хатагтай эхнэр
Энэ төрлийн эхнэр бол гэрийн дарангуйлагч, захирагч. Тэр гаргасан тушаал бүрийг нэн даруйд гүйцэлдүүлэхийг шаарддаг. Түүний өмнөөс аливааг хийх хүн үргэлж байж байдаг. Тийм эхнэр гэрийн ажлыг заавал хийх ёстой гэж үздэггүй. Хийж яах юм? Ресторанд хооллож болно шүү дээ. Тэр залхуу хойрго, хов живэнд дуртай, танил хүмүүсийн тухай байнга ярьж сууж байдаг. Мэдээж, түүний шүүмжлэлийн гол бай нь -нөхөр.
3. Шулам эхнэр
Хамгийн аймшигтай төрөл нь. Тэд нөхөртөө хайргүй, хүндэлдэггүй. Тийм эхнэрүүдийн хувьд хууран мэхлэх явдал бол энгийн үзэгдэл. Түүний хувьд нөхрийн сэтгэл юу ч биш бөгөөд түүнийгээ ч нуудаггүй.
4. Ээж эхнэр
Ийм эхнэртэй эрчүүд ацан шалаанд ордог. Тэр нөхрөө хооллож, халамж анхаарал өндөр түвшинд тавьдаг. Гэхдээ яг л ээж шиг. Бүрэн хяналт, нөхрийнхөө хүч чадал, оюун ухаанд үл итгэх байдал. Тэд бие дааж шийдвэр гаргадаг, хэмнэлт сайн хийдэг, гэр орноо маш сайн авч явдаг. Харин нөхөр нь сул дорой, хүүхэд мэт болдог ч, үргэлж сайхан хувцастай, гэдэс цатгалан байна.
5. Дүү эхнэр
Шагширал, халуун дулаан сэтгэлээр дүүрэн эхнэр. Гэр бүлийн харилцаанд нөхөр нь гол үүргийг гүйцэтгэдэг. Тэр эхнэрийнхээ хувьд хамгийн хүчтэй, хамгийн ухаантай, хамгийн шилдэг нь. Хэдийгээр эхнэр нь нөхрөө хүндэлдэг ч өөрийнхөө сэтгэлийг илчилж чадахгүй, нуун дарагдуулдаг. Энд эрх тэгш харилцаа гэж байхгүй тул нэг л өдөр нөхөр нь залхаж эхэлдэг.
6. Найз эхнэр
Нөхөрлөл бол бат бөх гэр бүлийн дажгүй эхлэл болдог. Энд энергийн солилцоо, харилцан хүндэтгэл үргэлж оршин тогтнодог. Найзынхаа төлөө бид өөрсдийгөө ч золиослоход бэлэн. Хүнд хэцүү нөхцөлд бие биенээ дэмжинэ. Маш баяртайгаар хооллож ундална. Найзынхаа сэтгэлийг дэмжиж, тайвшруулахыг хүснэ. Харин тэр өөрийнхөө зүр сэтгэлийг харамгүй дэлгэнэ. Мэдээж, муудалцах үе тохиолдоно, гэхдээ найзтайгаа аливааг ярилцаж асуудлыг шийдвэрлэж болдог шүү дээ.
7. Туслагч эхнэр
Хэдийгээр туслагч хэмээн нэрлэгдэж байгаа ч огтхон ч туслах үргийг гүйцэтгэдэггүй. Харин ч эсрэгээр, нөхрөө ямар ч нөхцөлд дэмжиж чаддаг. Түүнийг хэзээ ч орхихгүй, үргэлж урмын үг хайрлаж, саналыг нь сонсдог. Үргэлж нөхрийнхөө дэргэд байх хүн бөгөөд нөхөр нь ч үүнийг мэддэг. Тэр аливааг хайр сэтгэлийн төлөө хийдэг. Ийм эхнэртэй эр хүн өөрийгөө азтайд тооцох ёстой. Тэр жинхэнэ үнэнч бүсгүйтэй учирсан бөгөөд эхнэр нь үргэлж түүнийг хайрлаж явах болно.