Та ямар автомашинд дуртайгаа өөрөө мэднэ гэж боддог байх. Гэвч үнэндээ бид од гарагсын эрхшээлд амьдардаг билээ. Иймээс та зурхайн ордын дагуу танд ямар машин тохирохыг мэдэж авахад илүүдэхгүй. Та туршаад нэг үзээрэй.
Хонины орд
Хонины ордонд төрсөн хүмүүс асар их хурд аливаа эрсдэлд дуртай байдаг. Иймээс тэдэнд спорт загварын авто машин хамгийн тохиромжтой. Харин өнгөний хувьд тэд голдуу улаан, улбар, шарыг сонгох хандлагатай.
Үхрийн орд
Тансаг бүхэнд дуртай, тав тухыг эрхэмлэдэг ордын хүмүүс авто машин сонгохдоо ч энэ зангаа тавихгүй. Ийм ч учраас зөвхөн люкс ангиллын машиныг сонго хэмээн тэдэнд од гарагс зөвлөж байна. Мэдээж, машин нь хамгийн сүүлийн үеийн загварын, гоёмсог байх ёстой.
Ихрийн орд
Ихрийн ордынхон маш хөдөлгөөнтэй, байнга ийшээ тийшээ шилжин нүүдэллэх дуртай. Салхи татуулан хурдлах дуртай тэдэнд маневр сайтай өндөр үзүүлэлттэй С эсвэл В ангиллын машин тохиромжтой. Хотын нарийхан гудамж, замын бөглөөнд огт түүртэхгүй.
Мэлхийн орд
Гэр бүлсэг орд. Иймээс түүнд зүгээр нэг машин биш, харин минивэн буюу тээштэй, универсал машин хэрэгтэй. Мэлхийн ордынхон гэр бүлийнхээ олон гишүүнийг машиндаа багтаачихаад байгалийн сайханд аялан зугаалах учраас энэ машин яг тохирно.
Арслангийн орд
Арспангийн ордынхон бол төрөлхийн жүжигчид, элдэв маяг үзүүлэх дуртай. Тэд олны өмнө гарч ирэх үедээ бүгд өөрийг нь анзаараасай гэж хүсдэг. Иймээс А ангиллын хурц тод өнгийн, тансаг машин маш тохиромжтой.
Охины орд
Төлөв даруухан зантай охины ордынхон аливаа хэм хэмжээ, хэмнэлтийг эрхэмлэдэг хүмүүс. Тэд машин худалдаж авахдаа хамгийн гол нь унахад звтэйхэн байх ёстой гэсэн зарчим баримталдаг. Иймээс хуучин, цэвэрхэн эдэлсэн машин тэдний хамгийн оновчтой сонголт.
Жинлүүрийн орд
Зурхайн хамгийн төгс зохицолт орд хэмээгдэх жинлүүрүүд орчин үеийн, хамгийн сүүлийн үеийн загварын, мөлгөрдүү хэлбэртэй машинд дуртай. Тэд голдуу хар ба ногоон өнгийн машин сонгодог. Ер нь дэгжин, гоёмсог, үзэмжтэй машины эрэлд хатдаг улс.
Хилэнцийн орд
Энэ ордынхон үргэлж өөрсдийн байр суурь, эрх мэдлээ тодотгон харуулах, олон нийтэд гайхуулах хандлагатай. Төв буюу хар, хүрэн, хар хөх, ягаан өнгийн машин тэдэнд хэрэгтэй. Мэдээж, өндөр үнэтэй машиныг л сонгодог. Тэд хэзээ ч хямд машин унахгүй.
Нумын орд
Аялан жуулчлах дуртай нумууд төрөлхийн маш сониуч улс. Энэ ордод хамаарах хүмүүс байнга ийш тийшээ аялан явдаг тул дээд зэргийн маневр сайтай машинтай байх хэрэгтэй. Иймээс тэдний хувьд хамгийн төгс унаа нь мотоцикль байж мэдэх юм.
Матрын орд
Олноос ялгарах дургүй матрын ордынхонд найдвартай “морь” л хэрэгтэй. Хамгийн гол нь ямар ч ачааг, бүр хамгийн хүндийг ч даах төмөр хүлгийг тэд сонгодог. Үүний зэрэгцээ тэд унахад эвтэйхэн, хэмнэлттэй тийм машиныг авахыг эрмэлздэг.
Хумхын орд
Энэ ордынхон инноваци, стандарт бус арга барилд дуртай. Хумхууд хэзээ ч бусдын унадаг шиг тийм машинтай байхыг хүсэхгүй. Зөвхөн ер бусын дизайн, загвартай машинд л өөрсдийгөө тав тухтайгаар мэдэрдэг улс даа. Иймээс тэд тансаг авто салоны байнгын үйлчлүүлэгчид болдог.
Загасны орд
Тэдний юу хийхийг хэн ч урьдаас тааварлан хэлж чадахгүй. Мөрөөдөмтгий, үүлэнд умбах дуртай загасны ордынхон авто зам дээр маш болгоомжтой явах ёстой. Иймээс тэдний хувьд аюулгүй, цохилтыг тэсвэрлэх өндөр чадвартай машинтай байх нь маш чухал.