УЙЛАХ НЭГЭН ҮЕ БАЙХАД
ДУУЛАХ НЭГЭН ЦАГ ГЭЖ БАЙДАГ.
БҮХ ЮМС ЦАГ ХУГАЦААНД ХҮЛЭГДЭЖ ЯВДАГ ЮМ ШҮҮ.
ХЯЗГААРГҮЙ ЗОВЛОН ХЭМЖЭЭТЭЙ ЖАРГАЛ ГЭЖ ҮГҮЙ.
ЗОВЛОНД БАС ЭХЛЭХ ЦАГ ДУУСАХ ХУГАЦАА ГЭЖ БИЙ.
БҮХ АЧАА ХӨНГӨРЧ, ЗҮДЭРЧ ЯВСАН
СЭТГЭЛИЙН ХҮЛЭЭС АЛДУУРЧ,
ЦЭЛМЭГ ТЭНГЭР ХАРАН
ЦЭЭЖ ДҮҮРЭН АМЬСГАЛАХ ТЭР ҮЕД Л
ЧИНИЙ ЗОВЛОН ГЭЖ ЦӨХӨРЧ БАЙСАН
АМЬДРАЛЫН ХҮНД АСУУДАЛ
МАНАН АДИЛ ЗАМХРАН ОДСОН БАЙДАГ.
СЭТГЭЛИЙН ТЭВЧЭЭР
САЙХАНД ТЭМҮҮЛСЭН ХҮСЭЛ ХОЁР Л
ЭНЭ БҮХ ЗОВИУРЫГ ҮГҮЙ ХИЙЖ ЧАДНА.
ХАМГИЙН ГОЛ НЬ БУУЖ ӨГЧ ЭВЛЭРЧ Л БОЛОХГҮЙ.
ХҮНИЙ СЭТГЭЛ ГЭЖ ХАЙРАНД
БАС ЖАРГАЛД ДАСАЖ СОХОРЧ БАЙДАГ.
ХЭТЭРСЭН ИХ ЖАРГАЛ ХЭВРЭГ БАЙДАГ ЮМ.
ҮРГЭЛЖ ЦЭЛМЭГ ТЭНГЭР ГЭЖ БАЙХГҮЙ.
ҮҮЛТЭЙ, ШУУРГАТАЙ, ЦАСТАЙ, БОРООТОЙ БАЙДАГ ШИГ
ХҮН Ч ГЭСЭН ӨМД, ЦАМЦ, НЭХИЙ ГУТАЛ, ШҮХЭР САНДААЛТАЙ
АЛИВАА БАЙГАЛИЙН ХУВИРАЛД БЭЛЭН БАЙДАГ ШИГЭЭ
АМЬДРАЛЫН ХУВИРАЛД
СЭТГЭЛИЙН ХАТТАЙ
СЭТГЭХҮЙН БЭЛЭН БАЙДАЛД БАЙХ НЬ ЧУХАЛ.
БИД ХАМГИЙН ИХ ИТГЭСЭН ХҮНДЭЭ Л
ХАМАГ ЗҮРХ СЭТГЭЛЭЭ ӨГЧИХӨӨД
БУЦААЖ ТАТАЖ ЧАДАХГҮЙ
ГУТРАЛ ГУНИГТ АВТДАГ ШҮҮ ДЭЭ.
ОНООГҮЙ БАЙ СОНГООГҮЙ ХҮН ГЭЖ БОДООД
ӨӨРИЙГӨӨ ЦЭВЭРЛЭЖ СУРАХ Л
АМЬДРАЛЫН ТОМ ДАРХЛАА БАЙДАГ ЮМ.
БҮХ ЮМ САЙХАН БОЛНОО
БИ МУУ ЯВАХ ТАВИЛАНГҮЙ ХҮН ГЭЖ
ӨӨРТӨӨ ИТГҮҮЛЖ ЧАДВАЛ
ХАРАНХУЙЛСАН ТЭНГЭРИЙН ЦААНААС
ГЭРЭЛТ НАР ЦУХУЙДАГ ЮМ.
БҮХ АМЬДРАЛ ЦАГ ХУГАЦААНЫ САЛХИНД
ЭЛЭГДЭЖ ӨӨРЧЛӨГДӨЖ БАЙДАГ ЮМ ШҮҮ НАЙЗ МИНЬ.
2018/07/17