ОХУ-ын тамирчид Токиогийн олимпод Оросын олимпын хорооны нэрэн дор оролцож байгаа билээ. Сэргээшийн асуудлаас үүдэн хориг тавиулсан Оросын тамирчдад Олон улсын олимпын хороо бас нэгэн хориг тавьжээ.
ОУОХ Оросын усанд сэлэгчдэд Токиогийн олимпын наадамд баавгайн зурагтай усны хувцас өмсөж оролцохыг зөвшөөрөөгүй байна. Энэ нь тамирчдад маш гэнэтийн зүйл болсон ч тэд гомдол гаргах бодолгүй байгаа гэж синхрон сэлэлтийн багийн дасгалжуулагч Татьяна Данченко ярьжээ.
ОУОХ-ны зүгээс энэхүү хоригоо олимпын наадам эхлэхээс гурван долоо хоногийн өмнө тавьсан байна. Токиогийн олимпод өмсөж оролцох усны хувцас нь бэлэн болж байсан бүсгүйчүүд шинэ хувцас захиалах хэрэгтэй болжээ.
.png)
