“Монголын сайхан бүсгүй-2004” тэмцээний алтан эрдэнийн өргөмжлөлтэй ч төдийлөн олонд танигдаагүй А.Сарнай гэх бүсгүй гэнэтхэн гарч ирээд л “Дэлхийн мисс”-ийн тэмцээнд Монголоо төлөөлөн оролцох гэж байна энэ тэр гэж баахан шуугиан тарив, өнгөрсөн онд. Явлаа, ирлээ л гэсэн. Үр дүн, гавьяа шагнал нь мөнөөх “Дэлхийн тэмцээнд оролцож улсынхаа нэрийг гаргана гэдэг хамгийн том амжилт“ гэх маягтай улиг болсон хариулт. Арай л спортын салбарын нэг нөхөр шиг “Бид 10:00-оор хожигдоно гэж бодож явсан, ашгүй 8:00-оор хожигдсон нь том амжилт“ гэдэг шиг юм ярихгүй юм даа, манай миссүүд. МУИС-ийн биологийн факультетийн байгаль хамгааллын анги мөн Калифорнийн Сакраментогийн коллежид сурч буй А.Сарнай гэх мисс маань 1987 онд төрсөн, ээж дүүгийн хамт амьдардаг, 178 см өндөртэй, 23 настай, Англи, Орос, Японхэлтэй, “Sonic”, “Knuckles” нэртэйхоёр нохойтой гэнэ. “Эх дэлхийн мисс” тэмцээнд 100 гаруй орны бүсгүйчүүдтэй өрсөлдөж, шилдэг 20-д багтсан, 2008 онд Хятадад болж өнгөрсөн University Miss-д амжилттай оролцон тэргүүн байр эзэлж байсан юм байх. Хобби нь ууланд авирах гэж байгаа. Мисс хүнд ямархан сонголт юм энэ ууланд авирах гэдэг. Дуртай дууныхаа үгнээс ласар их урам зориг, эрч хүч авчихдаг гэж ярьдаг энэ бүсгүй намдаа бас ч гэж нөлөө бүхий нэгэн залуухан гишүүний ивээлд багтдаг, түүнийхээ хүчээр өдий зэрэгтэй яваа гэнэ гэх үг сүүлийн үест хүчтэй яригдах болов. Тэдний харьцаа 2005 оноос эхлэлтэй бололтой юм. Тэр үеэр Сарнай Макаод болсон зүүн Азийн наадам буюу бага олимпийн тоглолтын бүжгийн төрөлд үндэсний шигшээ багийн бүрэлдэхүүнд орж байсан аж. Түрүү жил нь миссийн титэм хүртсэн бүсгүй тэр үедээ л нэг багт байсан хүмүүсийнхээ анхаарлыг татсан нь дамжиггүй. Гэсэн ч тэрээр буудалдаа хэд хоногоор ирэлгүй гадуур буудалласан гэх юм. Улмаар нөгөө амрагийн харьцаа тогтоосон эрхэм нь түүнийг Америкт “илгээж“ өнөө цагтай тулсан юмсанж. Бас болоогүй, эрхэм гишүүний баруун гар гэгдэж явсан нэг нөхөр нь мисс бүсгүйн нэг найзтай дотно. Нэг ёсондоо гэр бүлийн найз гэдэг шиг нууц амрагуудын нөхөрлөл бас байдаг сурагтай юм.
24tsag.mn