Цагтаа дэлхийг байлдан дагуулж, гоолиг сайхан бие, хэзээ ч давтагдашгүй сайхан хоолойгоороо гайхуулж явсан АНУ-ын нэрт дуучин Уитни Хьюстон тун чиг ядуу, тарчиг амьдарч буй юм байна.
Тэрээр 2001 онд “Ариста” компанийн тусламжтайгаар альбомоо бичүүлж, хамгийн сүүлд 2009 онд цомгоо гаргажээ. Тэрээр эдүгээ бүхий л шагнал урамшуулал, эд хөрөнгөө алдаад зогсохгүй бүр толгой хоргодох орон гэргүй болсон байна.
Яагаад тэр их алдартай бүсгүй ийнхүү эдийн засгийн гүн хямралд орчихов гэж уншигч та гайхаж байж магадгүй юм. Үүнд ганцхан хар тамхи “буруутай”.
Тэрээр кокаины төрлийн хар тамхинд донтжээ. Эмч нарын өгүүлснээр дуучны донтох өвчин улам хүндэрч буй агаад кокаинаа хэрэглэсний дараа 15-20 минут болмогц дахин бие организм нь түүнийг шаардаж эхэлдэг байна.
Нэрт дуучин Уитни Хьюстоны архи болон хар тамхи мансууруулах бодист донтсон нь хэвлэл мэдээллийнхэн болон шүтэн бишрэгч нарынх нь хувьд шинэ мэдээ биш юм.
Бүр 2010 онд дэлхийг тойрон аялах үедээ Уитни “огт өөр хоолой”-гоор дуулж байсан гэдэг. Одоо авьяаслаг дуучин хорт зуршлын улмаас эдийн засгийн боломжоо ч алджээ.