Зүүдний гэгээн асарт хос шувууд нисэлдээд
Зүрх сэтгэлийн гүн рүү чиний гэзэг шавхуурдаад
Зөндөө зөндөө ширтсэн амраг хайрынхаа харцыг
Зүс төгс төрсөн таны зүг нисгэв ээ
Их л холын амраг минь
Тэнгэрийн гэгээн чагтагаас оддыг нь хүлээж суухдаа
Тэр их хайрынхаа эзэн нь болохыг хүсэхдээ
Танхил таны дүрд сэтгэлээ дүрж орхисон хэрнээ
Танайхыг зорьж чадаагүйдээ би өөрийгөө голдог оо
Их л холын амраг минь
Харцанд нь дулаацах сэтгэлээ намрын төгөлд орхиод
Хачин ихээр ганцаардлаа ч танд дурлаж чадсан болохоор
Хавар ургах цэцэгстэй хамт таныг ирнэ гэж хүлээсэн гэнэн мөрөөдлийг минь
Хатан зүрхэнд минь шингээж дэргэд минь суугаач бүсгүй минь
Их л холын амраг минь
Хайранд нас хязгааргүйг санаж тэвэрт минь эрхэл янаг минь
Хүсэлд охь байдгийг бодож энгэрт нялхар бүсгүй минь
Надад ирсэн хайрыг минь тоглоом болгохгүйг хичээгээч
Насандаа би танд тэгвэл өртэй гэж бодъё
Их л холын амраг минь