“Галзуу хурд” киноны жүжигчин нэрээрээ алдартай Паул Уолкер өнгөрсөн оны арваннэгдүгээр сард машины ослоор нас барж олон хүний сэтгэл зүрхэнд нэгэн хайртай жүжигчин нь дутсан билээ. Тэрбээр хамгаас хайртай ганц охиндоо 25 сая ам.доллар үлдээсэн байна. Паулын амьдралынх нь утга учир охин нь байсан бөгөөд тэрбээр бугуйн дээрээ охиныхоо нэрийг шивүүлж байжээ.
Түүнд кино урлагийн кариэр чухал биш, гэр бүл нь чухал байсныг батлах хүн олон байгаа юм. Паул Уолкер нас барахаасаа өмнө киноноос хөндийрч, охинтойгоо хамт байж түүнд цаг заваа зарцуулахаар төлөвлөөд, охин нь аавындаа нүүж ирсэн байсан боловч хэзээ ч бүтэхгүй зүйл болж хувирсан юм. Меэдөү аавындаа нүүж ирэхээс өмнө Хавайд ээжтэйгээ амьдардаг байсан бөгөөд аавыгаа нас барснаас хойш буцаад ээж дээрээ очоод амьдарч байгаа гэнэ.