Зууны манлай дуучин Б.Сарантуяаг өөрийн хөдөлмөрөөр олсноо хаа сайгүй цацаад байдаггүй, нэлээд тооцоотой нэгэн гэлцдэг. Дуучин бүсгүй ч үүнийг хүлээн зөвшөөрдөг бөгөөд `Би өөрөө хөдөлмөрлөж, хөлсөө урсгаж олсон мөнгөө хэн нэгэнд зүгээр бэлэглэчихэж хэзээ ч чадахгүй` хэмээн хэдэнтээ ярьж байсан. Түүнчлэн тэрээр нэг сард гоо сайхандаа 800 мянган төгрөгөөс илүүг зарцуулдаггүй гэдэг. Гэтэл саяхны нэгэн сонин дээр түүнийг гоо сайхандаа өдөрт 150 000 төгрөг зарцуулдаг хэмээн бичжээ. Энэ талаар дуучнаас лавлахад: `Би утас, хоол хүнс, бинзен гээд өдөр тутмын бүх хэрэглээндээ бол 150 000 төгрөг зарцуулчихдаг. Харин зөвхөн гоо сайхандаа гэвэл арай хэтэрсэн хэрэг болно байх аа` гэж хариулсан юм.