БАСАГАНАЙ ГУНИГ
Валерий Дашеевич Цыбиков
Ангиршье байхаа яагаабиб
Арынгаа дээгүүр нийдэхэ бэлэйб.
Ахайшье байхаа яагаабиб
Баабай, эбийдээ байхал бэлэйб.
Бүргэдшье байхаа яагаабиб
Байса дээгүүр нийдэхэ бэлэйб.
Баатар хүбүүн байхаа яагаабиб
Баабай, эбийдээ байхал бэлэйб.
Тохорюуншье байхаа яагаабиб
Тала дээгүүр нийдэхэ бэлэйб.
Таабайн хүбүүн байхаа яагаабиб
Тоонто нютагтаа байхал бэлэйб.
Хүхышье байхаа яагаабиб
Хадынхаа дээгүүр нийдэхэ бэлэйб.
Хүбүүншье байхаа яагаабиб
Баабай, эбийдээ байхал бэлэйб.
2013 он